Русия барои ҳалли низоъҳои лафзии Душанбе ва Кобул миёнҷирагиро оғоз кардааст.
30-уми сентябр Вазорати умури хориҷаи Русия эълом кард, Маскав аз Тоҷикистон ва ҳукумати Толибон дар Афғонистон хоста, ки ихтилофоташонро бо роҳҳои дипломатӣ ва дар назар гирифтани манофеъи дуҷониба бартараф кунанд.
Дар ин бора Алаексей Зайтсев, сухангӯи Вазорати умури хориҷаи Русия ба хабаргузории ТАСС гуфт: “Бо нигаронии зиёд мо шоҳиди шиддат гирифтани муносибатҳои Тоҷикистону Афғонистон дар пасманзари изҳороти сарони ду кишвар ҳастем. Дар бораи ба марзҳо кашидани нерӯҳои мусаллаҳ аз ду ҷониб гузоришҳо расидааст. Мо аз Душанбе ва Кобул даъват мекунем, ки аз имконоти барои ҳар ду ҷониб қобили қабул дар ҳалли вазъияти кунуниро ҷустуҷӯ кунанд. “
Раҳбарони Толибон аз мустақар кардани ҳазорҳо ҷангиёни нерӯҳои маргталаби шохаи “Лашкаи Мансурӣ”-и худ дар вилоятҳои Кундӯз, Тахори ва БадахшониАфғонистон, ки бо Тоҷикистон хабар доданд.
Тоҷикистон низ ҳанӯз як моҳ пеш амнитияи тамоми марзҳои худ бо Афғонистонро бо нерӯҳои захиравӣ тақвият кардааст. Инчун Тоҷикистон дар як ҳафтаи ахир ду гузашти низомӣ дар Вилояти Мухтори Кӯҳистони Бадахшон анҷом дод, ки дар ҳар дуи онҳо президент Эмомалӣ Раҳмон низ дар онҳо ширкат кард.
Даргириҳои лафзӣ байни Толибон ва Тоҷикистон замоне шиддат гирифт, ки Эмомалӣ Раҳмон аз расман шинохтани ҳукумати Толибон худдорӣ кард ва инчунин дар 76-умин нишасти Маҷмаи умумии СММ муҳосираи вилояти Панҷшер аз сӯи нерӯҳои Толибонро нақзи ҳуқуқи башар тавсиф кард ва аз Толибон хост ҳукумати фарогир аз ҳама қавмиятҳо ташкил диҳанд.
Аз сӯи дигар мулло Абдулғанӣ Бародар, муовини нахуствазири Толибон дар Афғонистон дар суҳбат бо Алҷазира Тоҷикистонро ба дахолат дар умури дохилии он кишвар муттаҳам карда буд.
