Раҳматуллоҳ Набил, раиси собиқи амнияти миллии Афғонистон дар тивиттераш хабар дод, ки президенти фирории Афғонистон Ашраф Ғанӣ дар садади гирифтани шаҳрвандии кишвари Лубнон аст.
Раиси собиқи амнияти миллии Афғонистон менависад, “маълумоте вуҷуд дорад, ки Ашраф Ғанӣ дар садади ба даст овардани тобеъияти Лубнон аст. Бештар аз ин хиради ҷамъиро ба тамасхур нагиред! Авомфиребии Ашрф Ғанӣ мардуми Афғонистонро бадбахт сохт.”
Аммо то ҳол вокунише аз худи Ашраф Ғанӣ ва ё ҷонибдоронаш дар рад ва ё тасдиқи ин хабар расонаӣ нашудааст.
Ин дарҳолест, ки аз Набил пештар Маҳбубшоҳ Маҳбуб, собиқ масъули дафтари матбуоти раисҷумҳури фирории Афғонистон хабар дода буд, ки “Ашраф Ғанӣ ба диққат авзоъи Афғонистонро зери назар дорад ва ҳамаи мулоқотҳо ва тамосҳояш мутобиқ ба меъёрҳои дипломотик ва усули кишвари мизбон созмондиҳӣ мешавад.”
محبوب شاه محبوب مسئول دفتر مطبوعاتی رئیس جمهور برکنار شده گفته که "محمد اشرف غنی به دقت اوضاع افغانستان را زیر نظر دارد و همۀ ملاقاتها و تماسهایش مطابق به معیارهای دپلوماتیک و اصول کشور میزبان سازماندهی میشود."https://t.co/CT9q0coGfl
— Radio Azadi (@DaRadioAzadi) October 31, 2021
Рӯзи 15 августи соли ҷорӣ баъд аз расидани Толибон ба дарвозаҳои Кобул Ашраф Ғанӣ аз Афғонистон фирор кард. Мунтақидони собиқ раисҷумҳур дар фурупошии ҳукумат ва мушкилоти амниятӣ ва иқтисодӣ Ашраф Ғаниро гунаҳкор медонанд.
