31.9 C
Dushanbe

Толибон ба ҳисоби сафорати Афғонистон дар Душанбе 800 ҳазор доллар гузаронданд

Ҳукумати Толибон ҳудуди 800 000 долларро ба “хато” дар суратҳисоби сафорати Афғонистон дар Душанбе интиқол додаанд. Дар ин бора “Авеста” хабар медиҳад.

Гуфта мешавад, охири моҳи марти соли ҷорӣ Ашраф Ғанӣ, собиқ президенти фирории Афғонистон аз Тоҷикистон дидан кард ва он замон ваъда дода буд, ки дар шаҳри Ваҳдат барои муҳоҷирони афғон мактаб бунёд мекунад. Он вақт Ашраф Ғанӣ ба Вазорати молияи Афғонистон дастур дода буд, ки барои сохтмони ин мактаб ҳудуди 800 ҳазор доллар ҷудо кунад.

Вазорати молияи Афғонистон мебоист ин маблағро ба суратҳисоби сафорати Афғонистон дар Тоҷикистон интиқол диҳад, аммо дар моҳи август вазъ дар Афғонистон ба таври куллӣ тағйир ёфт, Толибон ба қудрат расиданд ва Ғанӣ аз кишвар фирор кард.

Эҳтимол меравад, ин пул дар суратҳисобҳои Вазорати молия дар Кобул бо нишондоди мухотаб барои интиқол боқӣ мондааст ва Толибон маблағро ба сафорати Афғонистон дар Душанбе интиқол додаанд.

Дар охири моҳи ноябр Вазорати корҳои хориҷии Толибон ба сафорати Афғонистон дар Душанбе бо талаби баргардонидани тақрибан 800 ҳазор доллар нома ирсол кардаанд. Аммо сафорат мегӯяд, он пулҳоро барнамегардонад, чун онҳо аллакай барои эҳтиёҷоти сафорат сарф шудаанд.

“Мо наметавонем ин пулро ба Толибон баргардонем, зеро Толибонро на танҳо мо, балки тамоми ҷаҳон эътироф намекунад”, – шарҳ додааст намояндагии дипломатии Афғонистон дар Душанбе ба “Авеста”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.