33.9 C
Dushanbe

Раҳоии рӯзноманигорони зиндонии сиёсӣ аз утоқи ҷаримавӣ

Домулло Зубайдуллоҳи Розиқ ва Раҳматуллоҳи Раҷаб, ду тан зиндониёни сиёсии Тоҷикистон, ки ҳудуди ду моҳ дар утоқи ҷаримавӣ қарор доштанд, дирӯз озод ва ба макони муқаррарии худ интиқол дода шуданд.

Ин ду тан зиндониёни сиёсии Ҳизби наҳзати исломии Тоҷикистон ду мо моҳ пеш бо ирсоли номае аз Эмомалӣ Раҳмон хоста буданд, ки барои бознигарии парвандаашон дар ҳузури коршиносону нозирони байналмилалӣ ва рӯзноманигорони дохиливу хориҷӣ мусоидат кунад.

Дар он нома гуфта мешуд, онҳо гуноҳе надоранд ба ҷуз узви ҲНИТ будан, аз ин рӯ, хостори адолат шуданд. “Агар моро гунаҳгор медонанд, пас “гуноҳи” мо ҷуз аъзои Ҳизби наҳзати исломии Тоҷикистон будан чизи дигаре нест.”,- омадааст дар номаи онҳо.

Ин ду маҳбуси сиёсӣ таъкид намуда буданд, ки ба муносибати рӯзи Сарқонуни кишвар, ки Раҳмон худро кафили он медонаду пуштибони волояти қонун дар кишвар ҳисобида мешавад, хостаанд ӯро бо номаи кушод аз асли воқеаи ба сарашон омада дар ҷараён бигузоранд.

Мақомоти Тоҷикистон ва зиндонбонони Вазорати адлияи Тоҷикистон ба ҷои расидагӣ кардан ба ин нома ва расонидани муҳтавои ба Прзедент Эмомалӣ Раҳмон ин ду рӯзноманигори рӯзгордида ва пирамади зиндониро ба утоқи ҷаримавӣ интиқол дода буданд.

Субҳи дирӯз фарзандони ин ду зиндонӣ, ки дар ҷаласаи солонаи Кумитаи шаҳрвандии наҷоти гаравгонҳо ва зиндониёни сиёсии Тоҷикистон аз тариқи он-лайн ширкат мекарданд, аз вазъи асафбори падарони худ ҳамроҳ бо дигар зиндониёни сиёсӣ дар зиндон қисса карданд. Аммо шоми дирӯз хабар расид, ки ҳар дуи онҳоро пеш аз муҳлати таъйиншуда аз утоқи ҷаримавӣ озод карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.