35.9 C
Dushanbe

Муҳоҷири тоҷик барои пешниҳоди пора равонаи зиндон шуд

Як шаҳрванди Тоҷикистон барои тағйири ному насаб дар шиноснома ва вуруди дубора ба Русия  ба муддати 4 сол равонаи зиндон шуд.

Ба гузориши хабаргузории “Kaluga News”, як шаҳрванди Тоҷикистон соли 2016 аз Русия ихроҷ ва аз ҳаққи вуруд ба ин кишвар маҳрум шуда буд. Аммо соли 2017 дар ватани худ ӯ  ном, насаб ва номи падарашро иваз карда, соли 2020 дубора бо шиносномаи нав вориди Федератсияи Русия шудааст.

Ин муҳоҷири тоҷикистонӣ, ки ба сурати ғайриқонунӣ дар ҳудуди Русия кору фаъолият мекарда, дар моҳи майи соли 2021 ҳангоми пешниҳоди додани пора ба маблағи 30 рубли русӣ дар шаҳри Обнинск дастгир шудааст.

Додгоҳи шаҳри Обнинск ин шаҳрванди Тоҷикистонро барои убури ғайриқонунии марзи давлатии ва пешниҳоди додани пора ба муддати чаҳор сол дар зиндони низомаш вазнин маҳкум кард. Тибқи ин қарори додгоҳ ин муҳоҷир пас аз интиҳои ҷазои муайяншуда дубора аз ин кишвар ихроҷ карда шавад.

Гуфта мешавад, иваз кардани ному насаб барои бозгашт ба Русия барои шаҳрвандони Тоҷикистон амри маъмулӣ аст. Қаблан низ чанд шаҳрванди Тоҷикистон аз сабаби тағйири ному насаб дар шиноснома дар Русия боздошт шуда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.