Вазири маориф ва илми Қирғизистон бо гирифтани пора дар ҳаҷми калон аз ҷониби мақомоти корҳои дохилии ин кишвар боздошт шудааст.
Бино ба иттилои Интерфакс, 28-уми сентябри соли 2022, Вазорати корҳои дохилии Қирғизистон хабар дода, ки Алмазбек Бейшеналиев, вазири маориф ва илми Қирғизистон ҳангоми гирифтани пора аз ҷониби мақомот боздошт гардидааст.
Ба қавли манбаъ, вазири маориф ва илми Қирғизистон Алмазбек Бейшеналиев ҳангоми гирифтани пора дар ҳаҷм 11 ҳазор доллари амрикоӣ ба даст афтодааст.
Гуфта мешавад, Алмазбек Бейшеналиев баҳори имсол ба курсии Вазорати маориф ва илми Қирғизистон таъйин шуда буд. Боздошти вазири маориф ва илми Қирғизистон тавассути нерӯҳои зудамали Вазорати корҳои дохилӣ сурат гирифтааст. Мақомот мегӯянд, алайҳи вазири маориф ва илм парвандаи ҷиноятӣ боз шуда, тафтишот идома дорад.
