Имрӯз, 25 октябри соли 2022, дар аксари кишварҳои дунё корбарони WhatsApp шикоят карданд, ки ин паёмрасон ногаҳон аз кор мондааст.
Бино ба иттилои пойгоҳи “Downdetector“, (ин пойгоҳ фаъолияти шабакаҳои иҷтимоӣ ва паёмрасонҳоро назорат ва аз қатъи фаъолияташон гузориш медиҳад), WhatsApp аз соати 8:40 ба вақти Бритониё дар саросари дунё аз фаъолият боз мондааст.
Таврк шабакаи “SkyNews” хабар медиҳад, масъулини платформа Мета, ки молики WhatsApp аст, гуфтаанд, мо аз мушкили ба вуҷудомада огоҳ ҳастем ва талош дорем ҳарчи зудтар ин мушлиро бартараф кунем. Аммо иллати ин мушкилӣ гуфта нашудааст.
Бо қатъ шудани бештар аз як соат ин паёмрасони ҷаҳонӣ дигарбора фаъол шуд.
WhatsApp як барномаест, ки ба Meta тааллуқ дорад. Ин барнома ба корбар имкон медиҳад паёмҳо, зангҳо, аксҳо, видеоҳо, ҳуҷҷатҳо ва паёмҳои овозиро ирсол ва қабул кунед.
Ин паёмрасон яке аз маъмултарин платформаҳои паёмрасонӣ буда ва мақараш дар Бритониёи Кабир аст. Шумори корбарони фаъоли ин паёмрасон дар саросари ҷаҳон беш аз ду миллиард гуфта мешавад.