Тоҷикистон тасмим гирифтааст, ки ҳамкориҳо байни сохторҳои соҳавии худ бо Сурияро роҳандозӣ кунад.
Бино ба иттилои сомонави Вазорати корҳои хориҷии Тоҷикистон, 13-уми ноябри соли ҷорӣ сафири Ҷумҳурии Тоҷикистон дар давлати Кувайт бо вазири корҳои дохилии Сурия дар Димшиқ мулоқот кардааст.
Ба қавли манбаъ, ҷонибҳо ба хотири баргардонидани шаҳрвандони ҷомондаи Тоҷикистон дар зиндонҳо ва урдугоҳҳои Сурия ба кишварамон бо ҳам суҳбат карда, бар идомаи ҳамкории сохторҳо таъкид кардаанд.
Тоҷикистон бо талошҳои Зубайдулло Зубайдзода пеш аз ин ҳам дар солҳои 2019 ва 2022 зиёда аз 350 нафар аз занону кӯдакони тоҷикистонӣ, ки дар замони ҳузури ДИИШ дар Сурияву Ироқ дар урдугоҳҳои ин кишварҳо банд монда буданд, ба Ватан бозгардонда буд.
Гуфта мешавда, Зубайдулло Зубайдзода, сафири Тоҷикистон дар давлати Кувайт дар мулоқот бо вазири корҳои дохилии Ҷумҳурии Арабии Сурия Муҳаммад Холид Раҳмун дар бораи тақвияти ҳамкориҳои ду кишвар ва дар бораи мубориза бо терроризму экстримзим гуфтугӯ карданд.
