Дар як оморе, ки созмони террористии Давлати исломии Ироқу Шом (ДИИШ) 4-уми январ нашр кард, гуфта мешавад, давоми соли 2022 дар 22 давлати дунё 2058 ҳамлаҳои террористӣ анҷом доааст.
Бар бунёди омори сомонаи “Аъмоқ”-и марбут ба ин созмони террористӣ, дар натиҷаи бештар аз 2 ҳазор ҳамлаи террористӣ 6881 кушта ва захмӣ ба ҷо гузоштааст.
Дар омори ДИИШ ҳамчунин қайд шуда, ки соли 2022 аз ҳама бештарин ҳамлаҳои маргборро дар кишвари африқоии Нигерия анҷом додааст, ки шумораи онҳо ба 517 ҳамала ва бо қурбонии 1412 кушта вазахмӣ мерасад. Пас аз он Ироқ бо 484 ҳамла ва 833 куштаву захмӣ ва Сурия бо 297 ҳамлаву 887 кушта ва захмӣ меистанд.
ДИИШ муддаӣ аст, ки дар соли 2022 дар Афғонистон 181 ҳамлаи террористӣ анҷом додааст, ки ин ҳамлаҳо 1188 кушта ва захмӣ доштаанд.
Гурӯҳи террористии ДИИШ ҳамчунин дар омори солонааш оварда, ки дар 22 кишвари дунё 2310 хонаву калисоро тарконда, 765 мошини ҷангиро низ нобуд сохта ва 100 мониши дигарро ғанимат гирифтааст.
Аммо ин созмони террористӣ аз ҳамлаҳои ахираш дар кишвари Туркия оморе нашр наркардааст. Дар ҳоле ки мақомоти Туркия моҳе пеш аз як ҳамлаи террористӣ ин гурӯҳ дар маркази шаҳри Истанбул хабар дода, як зани ҷавони сураягии курдтаборро боздошт карда буданд.
