30.9 C
Dushanbe

Афзоиши 17%-и гардиши мол байни Туркия ва Тоҷикистон

Гардиши мол миёни Тоҷикистон ва Туркия дар нуҳмоҳаи соли ҷорӣ ҳудуди 17 дарсад афзоиш ёфтааст.

27-уми октябри соли ҷорӣ Ашӯрбой Солеҳзода, муовини аввали вазири рушди иқтисод ва савдои Тоҷикистон дар мулоқот бо Эмре Зеки Карагол, сафири Туркия дар Тоҷикистон хабар дода гуфт: дар 9 моҳи соли 2021 афзоиши гардиши мол миёни ду кишвар 16,9 фоизро ташкил дода, 58 фоизи ҳаҷми умумии гардиши мол ба содироти Тоҷикистон рост меояд.

Солеҳзода таъкид намуд, ки рушди ҳамкориҳои мутақобилан судманд бо Туркия барои Ҷумҳурии Тоҷикистон афзалияти аввалиндараҷа дорад.

Дар ин мулоқот, ҷонибҳо масъалаи таъсиси гурӯҳи корӣ барои омода кардани харитаи роҳ барои афзоиши гардиши мол миёни Тоҷикистон ва Туркияро баррасӣ карданд.

Ҳамчунин дар ин мулоқот ҷонибҳо ба имзо расонидани Ёддошти тафоҳум оид ба ҳамкорӣ байни минтақаҳои озоди иқтисодии ду кишвар, инчунин ҳамкорӣ дар соҳаи тиҷорати электронӣ ва дигар масъалаҳои муҳими ҳамкориҳои тиҷоративу иқтисодӣ ва сармоягузориро муҳокима карданд

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баррасии ҳамкориҳои Тоҷикистон ва Бонки ҷаҳонӣ

Раҳбарони сатҳи олии Тоҷикистон ва Бонки ҷаҳонӣ масълаҳои ҳамкории дуҷонибаи худро дар шаҳри Душанбе мавриди баррасӣ қарор доданд.

Баъд аз боздошту латтукӯби муҳоҷирон Лавров ба Тоҷикистон меравад

Сергей Лавров, вазири корҳои хориҷии Русия бо як сафари кории ду рӯза озими Тоҷикистон мешавад.

Додгоҳ эътироф кард, ки Розиқов бо шиканҷа кушта шудааст

Додгоҳи шаҳри Кӯлоб эътироф карда, ки Абдуқаҳҳор Розиқови 37-сола,...

Дар Қирғизистон аз як кӯдето пешгирӣ шудаст

Кумитаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.