Душанбе ва Исломобод қасд доранд, ки як роҳи тарнзитии ҷадид аз тариқи Вилояти Мухтори Кӯҳистон ва Чатроли Покиситон боз кунанд.
Имрӯз, 12-уми декбари соли 2024 Сардор Авайс Легҳарӣ, вазири энергетикаи Покистон дар мулоқот бо Далер Ҷумъа Шофақер, вазири энергетикаи Тоҷикистон дар бораи боз кардани роҳи тарнзитии ҷадид аз тариқи долони Вахон дар Вилояти Мухтори Кӯҳистони Бадахшони Тоҷикистон ва Чатроли Покистон суҳбат кардааст.
Ин мулоқот, ки дар шаҳри Исломобод, пойтахти Покистон баргузор шудааст. Сардор Авайс Легҳарӣ гуфтааст, ки бо истифода аз фурсатҳо ва имкониятҳои мавҷуд, “Тоҷикистонро барои истифода аз тамоми долонҳои савдо аз Душанбе то Гвадар ва Карочӣ дар доираи барномаи Ҳамкориҳои иқтисодии минтақавии Осиёи Марказӣ ва дигар долонҳои бисёрмоделии савдои фаромиллӣ даъват мекунам”.
Ҳамзамон вазири энергетикаи Покистон таъкид кардааст, ки тавассути долони Вахон фосила байни Тоҷикистон ва Покистон 14 километр роҳ аст. Ҷониби Покистон ин фосилаи 14 километриро як “фурсати бузург” дониста, хоҳони он аст, ки ин роҳи ҷадиди транзитии ҷадид тезтар сохта шуда, мавриди баҳрабардорӣ қарор бигирад.
Гуфта мешавад, мулоқоти вазирони энергетикаии Тоҷикистон ва Покистон табқи барнома дар ҷаласаи ҳафтуми Комиссияи муштараки Тоҷикистону Покистон, ки имрӯз дар Исломобод баргузор шуд, сурат гирифтааст.
Тибқи маълумоти гумруки Тоҷикистон, дар давоми соли 2023 (январ-декабр) ҳаҷми савдои дуҷонибаи байни Покистон ва Тоҷикистон ба 52,73 миллион доллар расид, ки дар муқоиса бо соли қаблӣ 62,3 фоиз зиёдтар аст.
