26.9 C
Dushanbe

Афзоиши парвозҳо байни Русия ва Тоҷикистон

Русия аз 27-уми августи соли ҷорӣ шумораи парвозҳои мунтазам ба Тоҷикистонро афзоиш медиҳад. Дар ин бора “РИА Новости” бо истинод ба ситоди оперативии мубориза бо паҳншавии коронавирус хабар дод.

Бино бар навиштаи “РИА Новости”, муовини сарвазири Федератсияи Русия Татяна Голикова ҷаласаи ситоди оперативии мубориза бо паҳншавии коронавирус дар Русияро баргузор кардааст.

Дар ин ҷаласа тасмим гирифта шуд, ки шумораи парвозҳои мунтазам бо Венгрия, Миср, Кипр, Қирғизистон ва Тоҷикистон дар асоси талаботи дутарафа аз 27-уми августи соли 2021 зиёд карда шавад.

Тибқи ин нақша, парвозҳои мунтазам ба Тоҷикистон, аз ҷумла ба масири Маскав-Душанбе аз 2 ба 7 парвоз дар як ҳафта афзоиш меёбад.

Ҳамчунин гуфта мешавад, ки парвозҳо ба Душанбе, Хуҷанд ва Кӯлоб аз дигар фурудгоҳҳои Русия низ ҳафтае як маротиба анҷом дода мешавад.

Ёдовар мешавем, ки Русия парвозҳои мунтазам бо Тоҷикистонро моҳи марти соли гузашта дар иртибот бо пандемияи коронавирус қатъ карда буд. Шуруъ аз аввали моҳи апрели соли ҷорӣ дубора парвозҳои мунтазам байни Русия ва Тоҷикистон барқарор гардид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.