35.9 C
Dushanbe

Афзоиши воридоти ангишти Русия ба Чин дар пасманзари таҳримҳои Ғарб

Бино ба гузориши “Reuters” дар моҳи ҷорӣ воридоти ангиш аз Русия ба Ҷумҳурии мадумии Чин 14% афзоиш ёфтааст, ки ин баландтарин нишондод дар 5 соли ахир гуфта мешавад.

Манбаъ аз Хадамоти гумруки Чин хабар медиҳад, ки ин кишвар дар моҳи гузашта аз Русия 7,42 миллион тонна ангишт ворид кардааст. Ин баландтарин омри моҳона аз замони оғози оморигирӣ дар соли 2017 мебошад. Ин дар ҳолест, ки омори моҳи июли соли 2021 6,49 миллон тоннаро ташкил медод.

Пас аз ҳамлаи низомии Русия ба хоки Украина кишварҳои ғарбӣ барои ин ки Русияро водор кунанд, то ба ин ҷанг хотима диҳад, таҳримҳои зиёдеро ҷорӣ карданд, аз ҷумла аз хариди ангишти ин кишвар даст кашиданд. Гуфта мешавад, ин таҳримҳо Русияро водор кардааст, ки харидороне чун Чин ва Ҳиндустонро пайдо карда, барояшон маҳсулоти худро арзонтар бифурӯшад.

Тибқи гузоришҳо, дар охири моҳи июли соли ҷорӣ як тонна ангишти Русия бо сифати гармидиҳии 5500 килокалория (ккалория) тақрибан бо нархи 150 доллар ба фурӯш рафт, дар ҳоле ки бо ҳамин сифат ангишт дар бандари Нюкасли Австралия беш аз 210 доллар барои як тонна нархгузорӣ шудааст.

Русия барои камтар кардани таъсири таҳримҳои Ғарб талош дорад шарикони наве дар соҳаҳои иқтисодӣ ва низомӣ пайдо кунад. Дар ин робита моҳҳои ахир наздикшавии Русия бо Чин, Ҳиндустон, Эрон ва дигар кишварҳои Осиё мушоҳида мешавад.  

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.