35.9 C
Dushanbe

Билетҳо аз Тоҷикистон ба Русия арзон мешаванд?

Агентии авиатсияи шаҳрвандии Тоҷикистон аз ширкатҳои ҳавопаймоие, ки байни шаҳрҳои Тоҷикистон ва Русия парвозҳо анҷом медиҳанд, даъват кардааст, ки нархи билетҳоро арзон кунанд.

Дар ғайри ин сурат Агентӣ ваъда додааст, ки дар масъалаи  парвозҳои мунтазами минбаъдаи ин ширкатҳо чораҳои зарурӣ хоҳад андешид.

Ёдовар мешавем, ки дар давоми 10 рӯзи охир нархи билетҳо якбора гарон шуд. Дар робита ба ин рӯзи 18-уми январ ҷаласаи изтирорӣ бо иштироки раиси Агентии авиатсияи шаҳрванднӣ Икром Субҳонзода ва муовини аввали раиси Хадамоти зиддиинҳисории назди ҳукумати Тоҷикистон Сафаралӣ Қурбонзода баргузор гардид.

Инчунин ба ин ҷаласа намояндагони ширкатҳои ҳавопаймоии “Уральских авиалиний”, “UTair”, “Сибири”, “Северного ветра” ва “Сомон Эйр” даъват шудаанд.

Бино ба иттилои Sputnik.tj дар ин ҷаласа, аз ширкатҳо талаб шудааст, ки нархи билетои Тоҷикистон-Русия-Тоҷикистонро поин оваранд ва ба директорони ширкатҳои ҳавопаймоӣ мактубҳои расмӣ фиристода шудааст.

Агентӣ бори дигар таъкид кардааст, ки нархи билети рафту омад байни Русия ва Тоҷикистон набояд аз 500 доллар зиёд бошад.

Агентии авиатсияи шаҳрвандии Тоҷикистон мегӯяд, агар нархҳо поин оварда нашавад, дар масъалаи парвозҳои мунтазами минбаъдаи ин ширкатҳо чораҳои зарурӣ хоҳад андешид.

Гароншавии ахири билетҳои ҳавопаймо дар ҳолест, ки то як моҳи пеш арзиши билетҳо аз Душанбе то Маскав 2400-2500 сомонӣ буд, аммо он якбора 50% гарон шуд ва ҳоло як билет то 5000 сомонӣ ва аз он ҳам гаронтар фурӯхта мешавад.

Шаҳрвандон аз он шикоят доранд, ки дар кишвар ҷои кор нест ва маҷбуранд барои таъмини зиндагӣ ба Русия сафар кунанд, аммо бо ин гаронӣ низ барояшон рафтан душвортар мегардад.

Дар гузашта низ ширкатҳои ҳавопаймоӣ нархҳоро аз нархи эълонкардаи Агентии авиатсияи шаҳрвандӣ ба маротиб гаронтар мефурӯхтанд, то ҷое, ки як билет аз Душанбе то Маскав ба 10 ҳазор сомонӣ баробар шуда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.