5.9 C
Dushanbe

Ахбори зиду нақиз дар бораи фирори президент аз зиндон

Пас аз шиддат гирифтани даргириҳо дар пойтахти Судон, ахбори зидду нақизе дар бораи фирори бархе зиндониёни сиёсӣ, аз ҷумла президенти собиқ Умар Башир дар расонаҳо нашр шудааст.

Бино ба иттилои расонаҳои арабӣ, пас аз шиддат гирифтани диргириҳо ва шуълвар шудани оташ ҷанг дар байни генералҳои судонӣ, ки бар асари онҳо зиндони Купери Хартум осеб дида, бархе аз зиндониён тавонистаанд фирор кунанд.

Ба қавли “Ал-Арабия”, мақомоти зиндонбонӣ дар Судон гуфтаанд, ки пас аз шиддат гирифтани ҷангҳо, халалдор шудани хидматрасониҳои комуналӣ, аз ҷумла шабакаҳои обтақсимкунӣ ва мавриди ҳамла қарор гирифтани амлоки ҷамъиятӣ ва хусусӣ онҳо маҷбур шудаанд, ки қисме аз зиндониёнро раҳо кунанд, то тавонанд ба ҷойҳои амнтаре панаҳ бирбаранд, аммо зиндониёни зиёсӣ ҳамоно ҳам дар маҳбас нигаҳдорӣ мешаванд.

Аммо бархе расонаҳои маҳалӣ бо нашри наворҳои фирори зиндониён гуфтаанд, пас аз оне, ки бахше аз биноҳои зиндони Купер мавриди ҳамлаҳои мушакӣ қарор гирифтанд, хеле аз зиндониёни сиёсӣ, аз он ҷумла президенти барканоршудаи ин кишвар Умар ал-Башир низ тавониста, фирор кунанд.

Гуфта мешавад, ҷанги қудрат байни генералҳои Судон замоне шиддат гирифт, ки дар оғози моҳи апрели соли ҷорӣ раиси Шӯрои раҳбарии интиқолӣ, ки ҳамзамон раиси Қувваҳои мусаллаҳи Судонро бар уҳда дорад, тасмим гирифта буд, ки Нерӯҳои зудамали Вазорати корҳои дохилӣ бо раҳбарии муовинаш дар Шӯрои раҳбарии интиқолӣ генерал Муҳаммад Ҳамдон Дақлу, маъруф ба Ҳамидтиро ба артиш мулҳақ карда, амалан генерал ӯро халъи силоҳ кунад, аммо ҷонибҳо ба тавофуқ нарисаданд ва кори онҳо сангаргирӣ алайҳи як дигар ва ба оғози набардҳои хунин мунҷар шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.