21.9 C
Dushanbe

Ҳамкории Русия бо Толибон нархҳоро дар Афғонистон коҳиш додааст

Вазири саноат ва тиҷорати ҳукумати сарпарасти Толибон мегӯяд, ки мо беҳтарин тиҷоратро бо кишварҳои ҳамсояи Афғонистон аз ҷумла бо Тоҷикистону Узбекистон дорем.

Нуриддин Азизӣ, вазири саноат ва тиҷорати Афғонистон дар суҳбат бо телевизони миллии Афғонистон гуфтааст, “мо ҳамроҳи Узбекистон, Қазоқистон ва ҳатто Тоҷикистон ҳамкориҳои тиҷоратӣ дорем”. Ӯ мегӯяд, кишвараш бо Туркманистон ва Русия “дар арсаи маводи нафтӣ беҳтарин тиҷоратро” дорад.

Ба гуфтаи вазири саноат ва тиҷорати ҳукумати сарпарасти Толибон дар Афғонистон “ба ҳама дӯстон маълум аст, ки дар замистон ва ҳоло ҳам мо аз тариқи ҳамон барномаҳое, ки ҳамроҳи кишвари Русия доштем, қимати маводҳои нафтиро контурл мекунем, алҳамду Лиллоҳ, қиматҳо хеле коҳиш ёфтааст. Ин дар ҳолест, ки қиматҳои ҷаҳонӣ сарсоновар боло рафтароист.”

Нуриддин Азизӣ дар идома таъкид карда, ки “мо хусусан ҳамроҳи кишварҳои ҳамсояе, ки дар чор тарафи мо ҳаст, як равобити бисёр ҳасанаи тиҷоратӣ дорем. Ҳамроҳи Чин беҳтарин тиҷоратро дорем, ки дар ҳудуди 98 дарсад аз ақломи содиротии Афғонистон бо як миконизми хос ба кишвари Чин ҳам содирот мешавад.”

Гуфта мешавад, аз замоне ки Толибон дубора дар 15-уми августи соли 2021 дар Афғонистон сари қудрат омаданд, то ҳол ҳеч кишваре онҳоро ба расмият нашинохтааст, вале амалан тамоми кишварҳои ҳамсояи Афғонистон бо Толибон равобити хуби тиҷоратӣ ва дипломатӣ ҳам доранд. Ин амр боис шуда, ки тибқи омори солонаи мақомоти Толибон, ин кишвар барои нахустин бор дар торихи худ содироташро ба ду миллиард доллар расонид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.