Ҳукумати Тоҷикистон тафоҳумномаи ҳамкории манобеи зарурӣ бо Бритонёро тасдиқ кардааст. Дар ин бора 4-уми марти соли ҷорӣ расонаи “Times of Central Asia” дар истинод ба “Азия-Плус” хабар додааст.
Ин тафоҳумномаро, ки Эмомалӣ Раҳмон 23-уми феврали имсол имзо карда буд, қарор аст тавассути Вазорати саноат ва техналогияҳои нав ва Вазорати корҳои хориҷӣ, Иттиҳод ва рушди Бритонё ниҳоӣ карда шавад.
Гуфта мешавд, тибқи ин тафоҳумномa Бритонё дар истихроҷ ва таъмини занҷираи маводҳои минералӣ, ки мураккаб аз тилло, алумин, унсурҳои мухталифи камёби замин ва ғайра аст, ҳамкорӣ карда, баъзе маъданҳоро дар ихтиёри худ хоҳад дошт.
Таҳлилгарон мегӯянд, Бритонё ба дунболи он аст, ки занҷираи таъмини манобеи заруриро аз инҳисори Чин бароварад ва саҳми худро дар бозори манобеъ бештар кунад.
Ҳамчунин монанди бештари кишварҳои пешрафта ва қудратманд таваҷҷуҳи Бритонё ба Осиёи Марказӣ бештар шуда, сармоягузорӣ ва ҳамкориҳои ин кишвар низ дар минтақаи афзоиш ёфтааст.
Гуфта мешавад, Тоҷикистон ҳоло ба дунболи ҷалби бештари сармояи хориҷӣ аст. Ба гуфтаи мунтақидон, Тоҷикистон, ки кишвари фасодзада аст, мақомдорони тоҷик маъмулан аз чунин роҳҳо суди ҳангуфте насибашон мешавад, вале манофеи миллӣ барояшон чандон арзише надорад. Аз ин рӯ, талош мешавад, ки кишварҳои аврупоӣ, аз ҷумла Бритонёро барои сармоягузорӣ дар лоиҳаҳои бузурги кишвар шавқманд кунанд.
