28.9 C
Dushanbe

Ҳамлу нақли ҳавоӣ байни Тоҷикистону Иморот осонтар мешавад

9-уми майи соли 2023 байни Агентии авиатсияи граждании назди Ҳукумати Тоҷикистон ва Раёсати генералии авиатсияи граждании Иморати Муттаҳаидаи Арабӣ (GCAA) Созишнома дар бораи хизматрасонии ҳамлу нақли ҳавоӣ ва Ёддошти тафоҳум ба имзо расонданд.

Гуфта мешавад, ҳадаф аз имзои ин ду санад аз байн бурдани маҳдудиятҳо ҳангоми интиқоли молу маҳсулот, ба низом даровардани тиҷорат ва осонсозии ҳамлу нақли ҳавоӣ байни ду кишвар, инчунин афзоиши маҷмӯи маҳсулоти дохилии онҳо ва рушди гардиши фурӯдгоҳҳо мебошад.

Бино ба иттилои расонаҳои иморотӣ, Сайф Муҳаммад Ал-Сувайдӣ, раиси Идораи GCAA мегӯяд, “ба имзорасонии ин созишномаҳои авиатсионӣ бо хоҳиши ҷониби Тоҷикистон сурат гирифта, дар таҳкими равобит ва ҳамкорӣ дар бахши нақлиёти ҳавоӣ муассир мебошад. Ва ин иқдом ба нафъи интиқолдиҳандагони ҳарду кишвар, инчунин рушди тиҷорат ва гардишгарии дуҷониба мусоидат мекунанд.”

Аммо то ҳол дар ин бора расонаҳои давлатии Тоҷикистон, бахусус маркази матбуоти Агентии авиатсияи граждании кишвар чизе нашр накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.