-4.6 C
Dushanbe

Амриддин Аловатшоев ба Душанбе истирдод шудааст

Яке аз раҳбарони мардумии Бадахшон Амриддин Аловатшоев, ки рӯзи 11-уми январ аз ҷониби мақомоти амниятии Русия дар шаҳри Белгород боздошт шуда буд, дар Раёсати мубориза бо ҷиноятҳои созмонёфтаи ВКД дар Душанб қарор дорад.

Pamir Daily News, ки хабарҳои Бадахшонро пӯшиш медиҳад, менависад, ки дасти кам се манбаъ дар мақомҳои баланди Вазорати корҳои дохилаи Тоҷикистон хабари дар Душанбе ва дар боздошт будани Амриддин Аловатшоевро тасдиқ кардаанд.

Гуфта мешавад, Аловатшоевро рӯзи 11-уми январ дар шаҳри Белгород кормандони ФСБ-и Русия боздошт карда, баъдан ӯро ба кормандони Вазорати корҳои дохилии Федератсияи Русия супурдаанд. Кормадони ВКД-и Русия ӯро ба Маскав бурданд ва баъд ба Тоҷикистон истирдод кардаанд.

Мақомоти интизомии Тоҷикистон пас аз эътирози беш аз ҳазор нафараи сокинони ВМКБ дар назди сафорати Тоҷикистон дар Маскав, ки дар пай қатли Гулбиддин Зиёбеков сурат гирифта буд, ба таъқиби Аловатшоев шуруъ карданд.

Пас аз чанд соати гирдиҳамоӣ расонаҳои Русия хабаре нашр карданд, ки гуфта мешуд, Аловатшоев бо гумони таҷовуз ба номус таҳти пайгард қарор дорад. Худи Амриддин ин иттиҳомотро рад мекунад.

Аммо мақомоти Тоҷикистон то ҳанӯз расман дар бораи боздошти ӯ ва иттиҳом эълоншуда алайҳи ӯ хабаре надодаанд.

Тибқи маълумоти тасдиқнашуда, алайҳи Амриддин бар асоси моддаи 189 қисми 1-и Кодекси ҷиноятии Ҷумҳурии Тоҷикистон (барангехтани кинаву адовати миллӣ) парвандаи ҷиноӣ боз шудааст.  Шояд ин ягона моддае нест, ки ӯ айбдор мешавад.

Наздикон ва нафароне, ки  Аловатшоевро мешиносанд, мегӯянд, ки ӯ ҳеҷ гоҳ ба корҳои ҷиноӣ даст назадааст.

Амриддин Аловатшоев, дар миёни диаспораҳои сокинони ВМКБ дар Русия эътибори зиёд дорад. Ӯро марди дорои обрӯву эътибор ва ҳамеша омодаи дастгирии ҳамватанон медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.