20.9 C
Dushanbe

Русия ҳамроҳони Амриддинро раҳо кард, вале маълум нест ӯ дар куҷост

Хадамоти махсуси амнияти Русия 11-уми январ Амриддин Аловатшоев ва 7 нафар ҳамороҳонашро боздошт кард, баъди чанде ҳамроҳонаш озод шуданд, вале макони боздошти Амриддин то ҳол маълум нест.

Акс аз манобеи озод

Пойгоҳи иттилоърасонии “Памир Дайли Нюс“, ки ахбори Вилояти Мухтори Кӯҳистони Бадахшонро пайгирӣ ва пӯшиш медиҳад, хабар дод, ки “маълумот дар бораи боздошти Амриддин Аловатшоев тасдиқ шуд. Ҳафт нафаре, ки ӯро ҳамроҳӣ мекарданд, дирӯз раҳо шуданд.”

Ба гуфтаи ин манбаъ, Амриддин ва ҳамроҳонаш (8 нафар) рӯзи 11 январ дар шаҳри Белгород аз ҷониби кормандони Хадамоти махсуси амният (ФСБ)-и Русия боздошт шуда буданд. Баъди чанде Амриддин Аловатшоевро аз дигар боздоштшудаҳо ҷудо карданд ва дар ҳоли ҳозир макони будубоши ӯ маълум нест.”

Пештар ин пойгоҳи иттилоърасонӣ хабар дода буд, ки яке аз раҳбарони бонуфузи мардуми Бадахшон Амриддин Аловатшоев рӯзи 12-уми январи соли ҷорӣ аз Маскав рабуда шуд.  

Мақомоти интизомии Тоҷикистон пас аз эътирози беш аз ҳазор нафараи сокинони ВМКБ дар назди сафорати Тоҷикистон дар Маскав, ки дар пай қатли Гулбиддин Зиёбеков сурат гирифта буд, ба таъқиби Аловатшоев шуруъ карданд.

Пас аз чанд соати гирдиҳамоӣ расонаҳои Русия хабаре нашр карданд, ки гуфта мешуд, Аловатшоев бо гумони таҷовуз ба номус таҳти пайгард қарор дорад. Худи Амриддин ин иттиҳомотро рад мекунад.

Дар миёни диаспораҳои сокинони ВМКБ дар Русия Амриддин эътибори зиёд дорад. Ӯро марди дорои обрӯву эътибор ва ҳамеша омодаи дастгирии ҳамватанон медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.