Тоҷикистон

Сафари Дастёри вазири хориҷаи Амрико ба Тоҷикистон

Дастёри вежаи вазири хориҷаи Амрико дар умури Осиёи Ҷанубӣ ва Марказӣ Доналд Лу ҳафтаи ҷорӣ ба минтақа, ба хусус ба Тоҷикистон сафар хоҳад кард.

Доналд Лу, Дастёри вежаи вазири хориҷаи Амрико дар умури Осиёи Ҷанубӣ ва Марказӣ

Бино ба гузориши вебгоҳи Вазорати умури хориҷии Амрико, Дастёри вежаи вазири умури хорҷаи Амрико дар умури Осиёи Ҷанубӣ ва Марказӣ Доналд Лу дар раси ҳайате ба Осиёи Марказӣ сафар хоҳад кард.

Гуфта мешавад, сафари ин ҳайати амрикоӣ ба кишварҳои Қирғистон, Узбакистон, Тоҷикистон ва Қазоқистон аз 23 то 27 майи соли ҷорӣ идмоа хоҳад кард. Ҳадаф аз ин сафар тақвияти равобити Амрико бо минтақа ва пешбурди талошҳои муштарак барои сохтани Осиёи Марказии пешрафта, амн ва муттасил унвон шудааст.

Қарор аст, ки ҷаноби Доналд Лу дар сафари худ ба Тоҷикистон бо мақомоти аршади Тоҷикистон дидор дошта бошад ва ҳамзамон дар нишасти солонаи Амрико ва Тоҷикистон барои рушди равобити иқтисодӣ, тақвияти ҳамкориҳои амниятӣ ширкат хоҳад кард. Ҳамзамон Доналд Лу бо ҷомеаи шаҳрвандӣ низ дидор хоҳад кард, то дар мавриди кумакҳои башардӯстона ва ҳимоят аз паноҳандагони афғон, ҳуқуқи башар, ҳамкориҳои муштарак дар мавриди амнияти ғазоӣ ва нақши занон дар ҷомеа гуфтугӯ кунад.

Сафари ин мақоми аршади амрикоӣ ба Тоҷикистон замоне сурат мегирад, ки авзоъи амнӣ дар Бадахшон шуруъ аз 16-май то имрӯз печида аст. Давоми ҳафтаи гузашта  нерӯҳои қудратии Тоҷикистон тазоҳуроти мардумӣ дар Рӯшонро бо хушунат саркӯб карданд, ки беш аз 30 нафар кушата ва 114 нафар боздошт гаштанд ва рузи 22 май бошад дар шаҳри Хоруғ раҳбари ғайрирасмии Бадахшон Мамадбоқир Мамадбоқиров ба таври мармуз кушта шуд.

Ин хушунатҳо вокунишҳои байналмиллалиро дар пай дошт ва кишварҳои ғарбӣ, Созмони Миллали Муттаҳид ва Созмони Амнияти Ҳамкории Аврупо ин хушунатҳоро маҳкум карданд ва ҳамзамон аз Тоҷикистон даъват карданд, ки амният ва ҳуқуқи мардуми Бадахшонро таъмин кунад.

Бо инҳол маълум нест, ки ҳайати баландпояи Вазорати хориҷаи Амрико дар ин сафар масъалаи саркӯбу қатли мардуми Рӯшон дар Бадахшон ва кушта шудани Мамадбоқирро бо мақомоти аршади Тоҷикистон дар миён хоҳад гузошт ё на?

Дар ин ҳайат Доналд Луро Эрик Грин, раиси Шӯрои амнияти миллӣ дар умури Русия ва Осиёи Марказӣ, Ребека Зиммкрман, муовини Дастёри вазири дифои Амрико дар умури Афғонистон, Покистон ва Осиёи Марказӣ, Анҷали Каур, муовини раиси Ожонси Тавсеаи Амрико ва Ноз Эл-Хатиб муовини раиси Ситоди иҷроии ширкати молии тавсеаи байналмиллалии Амрико ҳамроҳӣ мекунанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Сиёсат

Дидори Фарҳод Салим бо Рафаэл Гроссӣ дар Вена

Тоҷикистон

Баргузории маҷлиси Ҳукумати Тоҷикистон дар Душанбе

Тоҷикистон

Мулоқоти Фарҳод Салим бо Питер Лански-Тиффентал

Тоҷикистон

Болоравии қурби пули миллӣ-сомонӣ дар баробари арзҳои хориҷӣ