19.9 C
Dushanbe

Вашингтон Маскавро дар қазияи Навалний айбдор кард, Маскав рад мекунад

Майк Пампео вазири хориҷаи Амрико

Майк Помпео вазири корҳои хориҷаи Амрико дирӯз чоршанбе 9 сентябр дар мусоҳибаи худ гуфт, мақомоти баландпояи Русия дар тарҳрезӣ ва ташкили амалиёти заҳролудкунии Алексей Навалний даст доранд. Дар ин бора хабаргузории “russian.rt” хабар медиҳад.

Ба назари коршиносон аз эҳтимол дур нест, ки ин даъвои Помпео, ки бори аввал бепарда ва мустақиман Кремлро дар қазияи заҳролудкунии мухолифи сарсахти ҳукумати Русия айбдор меҳисобад, фишорҳои байналмилалиро алайҳи Маскав азфоиш медиҳад.

Майк Помпео гуфт: “Гумон дорам, ки мардум дар тамоми дунё ҳақиқати ин фаъолияти сиёсиро дидаанд, ва вақте мебинанд, ки мухолифи ҳукумат заҳролуд мешавад, дарк хоҳанд кард, ки дар паси чунин амалҳо ба эҳтимоли зиёд масъулони баландпояи рус меистанд. Фикр мекунам, ин масъала барои мардуми рус чандон хуб нест”.

Вазири корҳои хориҷаи ИМА афзуда, ки Амрико ва давлатҳои аврупоӣ умедваранд, ки мақомоти Русия ҳарчи зудтар омилони асосии қазия заҳролудкунии Навалнийро муайян ва ба ҷавобгарӣ хоҳад кашид. Вай афзуд, ки мо барои пешгирӣ аз такрори чунин ҳодисаҳо ҳама корҳоро кардаем ва қайд кард, ки амрикоиҳо барои муайян кардани гунаҳгорони асосӣ кор хоҳанд кард.

Ин дар ҳолест, ки президенти ИМА Доналд Трамп ҳафтаи гузашта гуфт, ки то ҳол далели қенеъкунандаи заҳролудшавии Алексей Навалнийро мушоҳида накардааст.

Қаблан ҳукумати Олмон бо истинод ба натиҷаҳои ташхисҳои муфассали тиббӣ тасдиқ карда буд, ки Алексей Навалний бо як моддаи заҳри навъи “Новичок” заҳролуд шудааст. Пас аз эълони мақомоти Олмон ҳама дар ин қазия ангушти иттиҳом сӯйи мақомоти Маскав дароз кардаанд. Аммо Маскав тамоми фарзияҳо дар бораи даст доштани мақомоти рус дар ин ҳодисаро рад карда, ин ҳама кушишҳои айбдоркуниро беасос хонд.

Дар ҳамин ҳол расонаҳои олмонӣ аз шифо ёфтану ба худ омадани Навалний менависанд. Рӯзномаи “Der Spiegel”- олмонӣ бо такя ба манобеаш менависад, ки мухолифи рус Алексей Навалний пурра ба худ омадааст ва аз ҳодисаи ба сараш омада дар дохили ҳавопаймо нақл кардааст.

Бино ба навиштаи рӯзномаи мазкур сиҳатии Навалний барқарор шудаистодааст ва ҳодисаи аз сараш гузаштаро пурра ба хотир меоварад. Дар хабар омада, ки баъд аз ба ҳуш омадани Навалний пулиси Олмон барои ҳимояи ин мухолиф нерӯҳои амниятиро тақвият додааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.