-2.1 C
Dushanbe

Арабистон $100 миллион ба Тоҷикистон қарз медиҳад

Фонди Саудии Рушд барои идомаи сохтмони тарҳи Нергуҳои барқи обии “Роғун” 100 миллион доллари амрикоӣ ба Тоҷикистон қарз медиҳад.

Бино ба иттилои расмӣ, имрӯз, 4-уми декабри соли 2023 байни Вазорати молияи Тоҷикистон ва Фонди Саудии Рушд Созишномаи қаризие ба маблағи 100 миллион долллари амрикоӣ ба имзо расид.

Тоҷикистон ин қарро барои харҷ кардан дар идомаи корҳои сохтмони тарҳи Неругоҳи барқи обии “Роғун” аз фонди мазкур талаб кардааст.

Вазорати молияи Тоҷикистон мегӯяд: “Ҳадафи асосии созишнома ин иштирок дар маблағгузории сохтмони иншооти НБО «Роғун» ҷиҳати таъмини нерӯи барқи барқароршаванда барои афзоиши истеҳсоли «нерӯи сабз» ва пешбурди «иқтисоди сабз» дар Тоҷикистон мебошад.”

Фонди Саудии Рушд низ дар саҳфаи X-и худ дар шарҳи ин хабар гуфта, ки раҳбари ин фонд дар шаҳри Душанбе Созишномаи қаризиеро бо вазири молияи Тоҷикистон имзо кардааст, ки он “як ташаббуси муҳимест, ки амнияти энергетикӣ, озуқаворӣ ва обро тақвият бахшида, рушди устуворро дар кишвар фароҳам меорад.”

Гуфта мешавад, Вазорати молияи Тоҷикистон арзиши умумии ин қарзро 100 миллион доллари амрикоӣ арзёбӣ карда, таъкид мекунад, ки “пурра аз ҳисоби маблағҳои қарзи имтиёзноки Фонди Саудии Рушд маблағгузорӣ мегардад.”

Созишномаи қарзиро вазири молия Қаҳҳорзода Файзиддин Саттор бо раиси Фонди Саудии Рушд Султон Абдурраҳмон ал-Маршад дар бинои Вазорати молияи Тоҷикистон дар шаҳри Душанбе ба имзо расониданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.