32.9 C
Dushanbe

Арзиши билетҳо байни Тоҷикистону Русия арзон шудаанд?

Агентии авиатсияи граждании Тоҷикистон мегӯяд, арзиши билетҳои ҳавопаймо байни Тоҷикстону Русияро аз 1200-1400 доллар то ба 500 доллар поён овардааст. Ин дар ҳолест, ки муҳоҷирон дар шабакаҳои иҷтимоӣ то ҳол аз гаронии билетҳо шикоят мекунанд.

Икром Субҳонзода, директори Агентии авиатсияи граждании назди Ҳукумати ҶТ ба “Pressa.tj” гуфта, ки баъд аз барқарор шудани парвозҳои доимӣ байни Тоҷикистону Русия билети парвоз дар ин самт то 1500 доллар гарон шуд ва онҳо тавонистанд, ки нархи билетро то 500 доллар поён биёранд.

Субҳонзода мегӯяд, агар то нимаи моҳи май 45 ҳазор нафар ба Русия сафар карда бошад, баъд аз арзон шудани билетҳо дар як моҳи охир (аз 26 май то 23 июн) наздики 81 ҳазор мусофир ба Русия парвоз кардааст.

Ба гуфтаи ӯ, “Ба самти Москва бошад парвозҳои мунтазам ҳафтае ду маротиба рӯзҳои сешанбе ва ҷумъа иҷро мешаванд ва нархи чипта вобаста ба санаи парвоз аз 4125 сомониву 30 дирам то 5638 сомониву 30 дирамро ташкил медиҳад”, – омадааст дар посухи Агентӣ ба “Pressa.tj”.

Ин дар ҳолест, ки шаҳрвандони зиёде аз гаронии билетҳо шикоят мекунанд. Ба гуфтаи баъзе шоҳидон, пайдо кардани билет бо нархе, ки мақомот муайян кардааст, бисёр душвор ва ҳатто номумкин аст. Корафтодагон арзиши билетҳоро аз 700 доллар боло мегӯянд.

Аммо дар интернет як билет барои рӯзи 11-уми моҳи ҷорӣ дар самти Душанбе-Маскав аз 36687 рубли русӣ (баробар бо 5700,46 сомонӣ) оғоз шуда, то 66454 ҳазор рубл (баробар бо 10325,68 сомонӣ) арзиш дорад. Нархҳо аз Маскав-Душанбе нисбатан арзонтар буда, аз 20539 ҳазор рубл (баробар бо 3191,37 сомонӣ) то 37739 рубл (баробар бо 5863,92) нархгузорӣ шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.