Як зани 34-сола дар ноҳияи Ашт бо гумони қасди фурӯхтани кӯдаки навзод аз ҷониби пулиси ноҳия боздошт шудааст.
Ба навиштаи Авесто, Вазорати корҳои дохилии Тоҷикистон аз гумонбар Муқаддас Мададова ном бурда, ӯро дар анҷом додани ҷинояти мувофиқи моддаи 167-и Кодекси ҷиноятии Ҷумҳурии Тоҷикистон “Муомилоти ғайриқонунии ноболиғон” муттаҳам медонад.
ВКД мегӯяд, ин зан қасд дошта, ки як кӯдаки навзоди якмоҳаро ба маблағи 15 ҳазор сомонӣ бифурӯшад. Тибқи иттилои ин ниҳод, гумонбаршуда, Муқаддас Мададова чор маротиба шавҳар карда, соҳиби 5 фарзанд аст.
Аз фарзандон якеро ба фарзандхондӣ додаву, дутои дигараш ба хонаи кӯдакон дода шудаанд ва танҳо духтари хурдиашро худаш тарбият мекунад.
Гуфта мешвад, Мададова он навзоди якмоҳаеро, ки мехостааст бифурӯшад, писари худаш будааст. Аммо назари худи гумонбар ва ё наздиконаш дар ин маврид дастраси расонаҳо нашудааст. Ва маълум нест ангезаи чунин кораш дақиқан чӣ будааст.
ВКД мегӯяд, дар ҳоли ҳозир парвандаи мазкур мавриди таҳқиқ қарор дорад.
