21.9 C
Dushanbe

Авзои инсонӣ дар Судон торафт вахим мешавад

Даргириҳои мусалллаҳона байни Нерӯҳои зудамал ва Артиш дар шаҳри Хуртум – пойтахти Судон торафт шиддат мегирад. Расонаҳои маҳаллӣ аз бад шудани авзои инсонӣ дар ин кишвар хабар медиҳанд.

Бо вуҷуди эълони оташбас миёни қувваҳои даргир, ҳамоно задухӯрд идома дорад. Ҷонибҳо якдигарро дар шикастани аҳдномаҳо гунаҳкор медонанд.

Дар ҳамин ҳол Созмони Миллали Муттаҳид дар гузориши ахираш аз вазъияти бади инсонӣ дар ин кишвари африқоӣ нигаронӣ кардааст.

Хабаргузории “Ройтерз” бо такя ба масъулини СММ иттилоъ дод, ки аз оғози даргириҳо дар Судон то кунун аллакай 100 ҳазор нафар ба кишварҳои ҳамсоя паноҳ бурда ва беш аз 330 ҳазор нафари дигар дар дохили кишвар овора шудаанд. Ва ҳамчунин беш аз 10 ҳазор шаҳрванди дармондаи хориҷиро созмонҳо ва кишварҳои кумакрасон аз ин кишвар берун карданд.

Ин созмон мегӯяд, танҳо барои рафъи эҳтиёҷоти инсонӣ давоми соли ҷорӣ дар Судон ба 1.5 миллард доллар ниёз дорем.

Гуфта мешавад, бо сабаби шиддат гирифтани даргириҳо дар вилояти Баҳри Сурх қисмати шарқии Судон ҳолати изтирорӣ эълон шудааст.

Судонро аз оғози даргирӣ, 15-уми апрели соли ҷорӣ то кунун ҳолати бебандуборие фаро гирифтааст. Даргирии шадид байни нерӯҳои Артиш, ки раҳбарии онро генерал Абдулфаттоҳ Бурҳон бар уҳда дорад ва Нерӯҳио зудамал бо раҳбарии муовини ӯ генерал Муҳаммад Ҳамдон Дақлу (маъруф ба Ҳамидтӣ) оғоз шудааст.

Тибқи оморҳои расмӣ, то кунун дар натиҷаи ин даргирҳо дасти кам 500 нафар аз ду ҷониб кушта шуда, беш аз 5 ҳазор нафари дигар захмӣ шудааст. Аммо бархе манобеи маҳллӣ шумори кушта ва захмиёнро бамароти бештар аз оморҳои расмӣ медонанд. Ҳамзамон гуфта мешавад, аксари беморхонаҳои марказии пойтахт ба сабаби тахриб ва ё қатъи барқу об аз фаъолият бозмондаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.