32.9 C
Dushanbe

Аз имрӯз лимити барқ дар кишвар расман ҷорӣ мешавад

Сар аз 5 январи соли ҷорӣ, соати 23:00 дар деҳоти Тоҷикистон, ки ягон бинои баландошёнаи истиқоматӣ вуҷуд надорад, интиқоли нерӯи барқ ​​қатъ хоҳад шуд. Дар ин бора як манбаъ аз ҳукумати ҷумҳурӣ ба “Азия-Плюс” хабар додааст.

Ин тасмим, ба гуфтаи манбаъ, бо сабаби он гирифта шудааст, ки сатҳи обанбори НБО Норак нисбат ба ҳамин давраи соли гузашта 4 метр камтар шудааст.

Манбаъ нагуфта, ки лимити барқ то кай давом мекунад. Аммо дар мавриди фурӯши барқ ба кишварҳои ҳамсоя гуфтаанд, ки Тоҷикистон нерӯи барқро ба кишварҳои ҳамсоя содир намекунад.

Шуруъ аз аввали фасли тирамоҳ сокинони деҳоти навоҳии ҷумҳурӣ аз қаътъи зуд-зуд ва дарозмуддати барқ ​​шикоят мекарданд.

Пештар Ширкати “Барқи тоҷик” маҳдудияти барқ дар кишварро рад карда, паҳншавии коронавирус дар ҷаҳон ва кори таъмири зеристгоҳҳо дар шабакаҳои барқӣ рабт медоданд.

Аммо аз 10 декабри соли равон лимити барқ дар кишвар бардошта шуд ва мардум бо он таъмин гашт, аммо пайваста аз ҷониби мақомоти кишвар гушзад мешуданд, ки барқро сарфа кунанд ва дар аксари ҳол лимитро бори дигар ҷорӣ мекунанд.

Ёдовар мешавем, ки дар паёми солинавии худ Президент Эмомалӣ Раҳмон бори дигар ба мардум гуфт:

“Агар мо хоҳем, ки зимистонро бидуни мушкилот ва душвориҳо гузаронем, то ки ҳеҷ гуна маҳдуд кардани шакли моликият ба миён наояд, мо бояд истифодаи сарфакорона ва оқилонаи нерӯи барқро дар фасли зимистон афзалият диҳем.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.