28.9 C
Dushanbe

Аз Русия танҳо ба 15 кишвар мешавад мустақим сафар кард

Дар ҷаҳон ҳамагӣ 15 кишвар боқӣ мондааст, ки сайёҳон аз Федератсияи Русия метавонанд мустақим ба онҷойҳо сафар кунанд.

Дар пайи ҳамлаи Русия ба Украина Амрико, Канада ва тамоми кишварҳои Иттиҳоди Аврупо осомни худро бар рӯи Русия бастанд ва инчунин баъзе ширкатҳои ҳавопаймоӣ фаъолияти худро дар ин кишвар қатъ карданд, ки ҳамаи ин боиси зарбаи ҷиддӣ расондан ба сайёҳони рус шудааст.

Тавре сомонаи Ассотсиатсияи сайёҳии Русия хабар медиҳад, айни замон сайёҳони рус ба ҷуз Аврупо ва Амрико метонавонанд ҳамагӣ ба 15 кишвар сафари мустақим дошта бошанд. Инчунин гуфта мешавад, ки он маҳдудиятҳое, ки бар асари пандемияи коронавирус дар баъзе кишварҳо ҷорӣ шуда буданд, онҳо бекор карда шудааст. Аз ҷумла маҳдудиятҳо ба 7 кишвар – Арманистон, Қазоқистон, Қирғизистон, Тоҷикистон, Туркманистон, Узбакистон ва Эрон лағв шуданд.

Илова ба самтҳои дар боло зикршуда, русҳо метавонанд мустақиман ба Туркия, Амороти Муттаҳидаи Араб, Баҳрайн, Қатар, Марокаш, Беларус, Ҳиндустон ва Шри-Ланка парвоз кунанд.

Гуфта мешавад, бар асари ҳамлаи низомии артиши Путин ба Украина, ҳамчунин шуморе аз ширкатҳои ҳавопаймоии ғайри аврупоӣ низ барои муддати номуайян аз парвоз ба Русия худдорӣ карданд. Аз ҷумла: “Azerbajzan Airlines” ва “Buta Airways”, “EgyptAir”, “Air Astana”-и Қазоқистон, ширкати ҳавопаймоии туркӣ “Pegasus Airlines” ва ғайра.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.