30.9 C
Dushanbe

Киҳо ва бо кадом сабаб аз шаҳрвандии Русия маҳрум мешаванд?

Зодагони Осиёи Марказиро ба хотири паҳн кардани хабарҳои “интиқодӣ ва фейкӣ” дар бораи артиши ин кишвар дар шабакаҳои иҷтимоӣ ва иштирок дар “созмонҳои номатлуб” аз шаҳрвандии Русия маҳрум мекунанд.

Тибқи тағйироту иловаҳои пешниҳодкардаи раисҷумҳури Русия Владимир Путин ба лоиҳаи қонун дар бораи шаҳрвандӣ, шахсе метавонад аз шаҳрвандии ин кишвар маҳрум карда шавад, ки агар ӯ “ба содир намудани амалҳое даст занад, ки ба амнияти Русия хатар эҷод мекунанд”.

Ҳамчунин дар лоиҳаи қонун пешниҳод шудааст, нафароне, ки ба

фаъолият дар созмонҳои ғайриҳукуматии хориҷӣ ё байналмилалӣ, ки дар қаламрави Русия мамнуъ эълон шудаанд;

дидаву дониста паҳн кардани маълумоти бурдурӯғ дар бораи фаъолияти Қувваҳои мусаллаҳи Русия;

даъватҳои оммавӣ барои анҷоми амалҳое, ки ба вайрон кардани тамомияти арзии Русия равона шудаанд.

Тибқи ин фармон ҳар шахсе, ки шаҳрвандии Русияро ба даст овардааст, вале ба амалҳои болозикр даст мезананд, аз шаҳрвандии Русия маҳрум карда мешаванд.

Инчунин барои таҳқири парчам ва нишони кишвар, гирифтан ва додани пора, ғоратгарӣ, азобу шиканҷа, роҳзанӣ, рабудани одам, тамаъҷӯӣ, авбошӣ, вандализм, ошӯби мусаллаҳона, суиқасд ба ҳаёти ходими давлатӣ ё ҷамъиятӣ, даъватҳои оммавӣ ба фаъолияти ифротгароӣ маҳрум кардан аз шаҳрвнадии додашуда пешбинӣ шудааст.

Тибқи ин санад, тасмим дар бораи лағви шаҳрвандӣ метавонад “новобаста аз замони анҷом ва санаи ошкор шудани амалҳое, ки ба амнияти Русия таҳдид мекунад” гирифта шавад. Мақоме, ки далели ҷиноятро муайян мекунад, Хадамоти федеролии амнияти Русия мебошад.

Тағйироту иловаҳо аллакай ба Думаи давлатӣ пешниҳод шудааст. Интизор меравад, ки ислоҳоти пешниҳодкардаи Путин то охири соли ҷорӣ қабул шавад.

Баъзе коршиносони мустақил мегӯянд, хавфи он меравад, ки Русия бо қонунигардонии масоили мазкур, муборизаи беамонеро нисбати муҳоҷирони меҳнатии кишварҳои Осиёи Марказӣ пеш мегирад. Ва бо ин баҳона даҳҳо ва шояд садҳо нафарро бо туҳматҳои гуногун, бахусус “пайравӣ аз гурӯҳҳои мамнуъ” аз шаҳрвандӣ маҳрум ва худи онҳоро равонаи зиндона кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Танишҳои дипломатӣ байни Русия ва Озарбойҷон

Дар пайи боздошти даҳҳо озарбойҷонӣ дар шаҳри Екатеринбург, байни Федератсияи Русия ва Ҷумҳурии Озарбойҷон танишҳои шадиди дипломатӣ ба миён омадааст.

130 млн доллари Арабистони Саудӣ ба Тоҷикистон

Раисҷумҳури худкомаи Тоҷикистон Эмомалӣ Раҳмон бо раиси Фонди Рушди Арабистони Саудӣ Султон Абдурраҳмон ал-Маршад мулоқот кардааст.

Ихроҷи густардаи афғонҳо аз Эрон

Мақомоти эронӣ пас аз ҷанги 12-рӯза бо Исроил ихроҷи густардаи муҳоҷирони афғонистониро рӯи даст гирифтаанд.

Ҳушдор! Ба Белорус сафар накунед!

Он муҳоҷирони тоҷикистоние, ки аз Русия бо сабабҳое ихроҷ ва мамнуъулвуруд шудаанд, ба Белорус ҳам сафар карда наметавонанд.