Афғонистон

Байден аз кушта шудани раҳбари "Ал-Қоида" хабар дод

Раисҷумҳури Амрико Ҷо Байден рӯзи душанбе эълом кард, ки дар як ҳамлаи нерӯҳои амрикоӣ дар шаҳри Кобули Афғонистон, Айман Завоҳирӣ, раҳбари "Ал-Қоида" кушта шудааст.

Ӯ бо эълони ин хабар гуфт, ки "ҳоло адолат барқарор шуд ва ин раҳбари террорист дигар вуҷуд надорад". Аммо Толибон бо таъйиди ин ҳамла онро маҳкум карданд.

Байден гуфт, ки дастгоҳҳои иттилоотии Амрико пештар паноҳгоҳи Завоҳириро пайдо карда буданд ва ӯ шахсан барои аз байн бурдани Завоҳирӣ, пас аз пайдо шудани дақиқи макони будубошаш, дастури аз байн бурданашро додааст.

Айман Аз-Завоҳирӣ

Гуфта мешавад, Айман Завоҳирӣ баъд аз кушта шудани Усома бин Лодин дар соли 2011 раҳбарии "Ал-Қоида"-ро ба дӯш гирифт. Ва ӯро яке аз тарроҳони ҳамала ва "мағзҳои амалиётӣ" дар ҳодисаи 11 сентябри соли 2001 дар Амрико медонанд.

Амрико баъд аз кушта шудани Айман Завоҳирӣ ба Толибон ҳушдор дод, ки тавофуқи Давҳаро нақз карданд.

Энтони Блинкен, вазири корҳои хориҷаи Амрико дар суханроние рӯзи сешанбе гуфт, Толибон бо паноҳ додани Айман Завоҳирӣ дар Афғонистон тавофуқномаи Давҳаро ба шиддат нақз карданд.

Аммо Толибон бо маҳкум кардани ин ҳамла Амрикоро ба нақзи тавофуқномаи Давҳа муттаҳам карданд.

Дар ҳамин ҳол Забиҳуллоҳи Муҷоҳид, сухангӯи ҳукумати Толибон бо навиштае гуфт, ин ҳамларо "ба ҳар далиле, ки анҷом шуда бошад", маҳкум мекунад ва онро "нақзи ошкори усули байналмилалӣ ва мувофиқатномаи Давҳа" медоанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Афғонистон

Вуқуи инфиҷор дар дохили Вазорати дохилаи Афғонистон

Афғонистон

Хуросонӣ дар хитоб ба Толибон: Ба ман хиёнат кардед

Афғонистон

Таркиши шадиде дар Кобул ҷони даҳҳо донишҷӯро гирифт

Афғонистон

Мулоқоти вазири корҳои хориҷӣ бо Котиби давлатии ИМА