30.9 C
Dushanbe

БАОР: рушди иқтисод дар Тоҷикистон ба таври назаррас коҳиш ёфтааст

Таҳлилгарони Бонки авруосиёии рушд (БАОР) дар бораи оқибатҳои пандемия дар соли 2020-ро барои иқтисоди кишварҳои узви ин Бонк – Арманистон, Беларус, Қазоқистон, Қирғизистон, Русия ва Тоҷикистон гузориш нашр кардаанд.

Ба навиштаи “Asia-Plus” дар гузориши таҳлилӣ гуфта мешавад, суръати имконпазири рушди иқтисод дар аксари кишварҳои минтақа ба андозаи 0,5-1 дарсад ба сатҳи то пандемия коҳиш ёфта.

Гуфта мешавад, ки коҳиш ёфтани рушди иқтисоди кишварҳои узви Бонк дар шароити таъсири манфии пандемия ба рушди сармоягузорӣ, инчунин вазъи захираҳои корӣ ба вуҷуд омадааст.

Инчунин таҳлилгарон гуфтаанд, ки агар рушди иқтисодӣ дар ҳама кишварҳои узв камтар шуда бошад, дар Тоҷикистон “танҳо ба таври назаррас суст шудааст”.

Коршиносони ин Бонк коҳиши фаъолмандии кориро ба сустшавии талаботи дохилӣ ва беруна, поинравии нархҳо ба молу маҳсулоти энергетикӣ, бад шудани рӯҳия дар тиҷорат ва маҳдудиятҳо дар истифодаи нақлиёт рабт додаанд.

Бино ба арзёбии мутахассисони Бонк, тадбирҳои дастгирии аҳолӣ ва тиҷорат аз ҷониби давлат имкон дод, ки аз оқибатҳои бештар назарраси манфӣ пешгирӣ шавад.

Соли 2020 ҳаҷми ММД Тоҷикистон ба 82,5 млрд сомонӣ (7,9 млрд доллар) баробар шуд, ки 2,5% -и он 2,1млрд сомонӣ (200 млн доллар бо қурби миёнаи соли 2020)-ро ташкил медиҳад. Рушди воқеии ММД Тоҷикистон дар соли 2020 аз 7,5%-и соли 2019 то ба 4,5% дар соли 2020 поин рафт.

Мувофиқи пешгӯиҳои БАОР, соли 2021 рушди ММД Тоҷикистон 6,1%, Арманистон – 4,9%, Қазоқистон – 4,4%, Қирғизистон – 7,3% ва Русия – 3,2%-ро ташкил хоҳад дод.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дар Қирғизистон аз як кӯдето пешгирӣ шудаст

Кумитаи давлатии амнияти миллии Қирғизистон 5-уми июн аз боздошти гурӯҳе хабар дод, ки ба гуфти ин ниҳод, қасди кудето кардан дар ин кишварро доштаанд.

Даргирӣ байни нерӯҳио Ҷабҳаи муқовимати миллии Афғонистон ва Толибон

Ҷабҳаи муқовимати миллии Афғонистон, ки раҳбарии онро Аҳмад Масъуд, фарзанди Аҳмадшоҳ Масъуд бар уҳда дорад, аз як ҳамлаи худ дар вилояти Тахори Афғонистон хабар дод.

Мулоқоти Эмомалӣ Раҳмон бо Содир Ҷаббор дар Қирғизистон

Президенти Тоҷикистон, Эмомалӣ Раҳмон, ки бо сафари корӣ дар Қирғизистон қарор дорад, бо президенти ин кишвар Содир Ҷабборов дар шаҳри Чолпон-Ата бо ҳам мулоқот карданд.

Дар нишасти “Осиёи Марказӣ-Иттиҳоди Аврупо” аз ҳуқуқи башар гуфта мешавад?

Додситонии куллии Тоҷикистон 2-уми июни соли ҷорӣ бо ирсоли номаи фаврӣ ба ҳамтои русаш, хостори таҳқиқи боздоштҳо ва рафтори мақомоти ҳифзи ҳуқуқи ин кишвар нисбати муҳоҷирон шудааст.