21.9 C
Dushanbe

Баргузории ҳамоиши G5 дар Тоҷикистон

22-юми июни соли 2023 дар ҳошияи 9-умин Намоишгоҳи байналмилалии савдо – “Суғд -2023” дар қасри Ҷавонон ба номи Лоиқ Шералии шаҳри Хуҷанд Форуми соҳибкории G5-и Тоҷикистон баргузор шуд.

Дафтари матбуоти вилояти Суғд мегӯяд, дар ин ҳамоиши соҳибкорӣ, ки бо ҳузури “650 нафар соҳибкорони ватанӣ, намояндагони вазорату идораҳо, бахши хусусӣ, сармоягузорон ва шарикони рушд” баргузор шуд, таъкид гардида, ки “ҳадаф аз баргузории ин ҳамоиш баланд бардоштани нерў, ҳавасманд кардани ҷавонон ба фаъолияти соҳибкориву сармоягузорӣ, тақвияти афкор ва васеъ намудани маълумотнокии иштирокчиён, рушди соҳибкорӣ байни ҷавонон, татбиқи лоиҳаҳои инноватсионӣ, таъмини муколамаи муфид миёни соҳибкорон ва мақомоти давлатӣ мебошад.”

Гуфта мешавад, 9-умин Намоишгоҳи байналмилалии савдо-“Суғд-2023” бо ҳузури зиёда аз 200 ширкатҳои саноатӣ аз Тоҷикистону Узбекистон, Эрону Туркия, Чину Русия, ва Озарбойҷону Беларус гузаронида шуд.

Ин форум бо ташаббуси Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва намояндагони Мақомоти иҷроияи ҳокимияти давлатии вилояти Суғд баргузор шуд. Забони ин форум дар маркази фарҳангии Тоҷикистон шаҳри Хуҷанди бостонӣ форсӣ-тоҷикӣ не, балки русӣ буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даргузашти генерал Ғайрат Адҳамов

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Шикасти Инглистон дар муқобили Испониё

Мунтахаби миллии футболи Испониё дар муқобили тими миллии Инглистон пирӯз шуд.

Раиси Ҳизби сотсиалистиро ҳам аз вазифа барканор кардан мехоҳанд

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани...

Эълони мукофотҳо барои иштирокчиёни бозиҳои олимпӣ

Дар бозиҳои тобистонаи олимпӣ-2024 дар шаҳри Парижи Фаронса 14...