35.9 C
Dushanbe

Барои муҳоҷирони кории тоҷик нафақа дода мешавад

Русия пешниҳоди мақомоти  тоҷик  ҷиҳати бо нафақа таъмин кардани муҳоҷирони кории Тоҷикистонро пазируфтааст. Дар ин бора Дилмурод Давлатзода, сардори Оҷонси таъминоти иҷтимоӣ ва нафақаи Тоҷикистон дар Душанбе зимни нишасти матбуотии ниҳодаш баён доштааст.

Бино ба гуфтаи Дилмурод Давлатзода дар рафти музокироти қаблӣ, ки моҳи декабри соли гузашта доир шуда буд, Вазорати меҳнати Русия ин лоиҳаро хуш пазируфт. Созишнома, ки масъалаи нафақаи муҳоҷиронро дар бар мегирад, мебоист моҳи майи соли равон ба имзо мерасид, аммо бо сабаби интишори вируси COVID-19 имзои он ба таъхир гузошта шуд.

Тасвиби ин созишномаро беш аз 800.000 шаҳрванди Тоҷикстон интизоранд, ки дар Русия кор мекунанд ва ба гирифтани нафақа дар пиронсолӣ умед мебанданд. Ба гуфтаи Дилмурод Давлатзода феълан 220 .000 шаҳрванди Тоҷикистон нафақаи русӣ мегиранд,ки онҳо мақоми душаҳрвандӣ ҳам аз Русия ва ҳам аз Тоҷикистонро доранд.

Ёдрас мекунем, ки тарҳи созишнома байни Тоҷикистон ва Русия дар бораи танзиму ҳамоҳангии таъминоти нафақавии муҳоҷирони кории тоҷик дар Русия дар нимаи дуввуми соли 2016 таҳия шуда буд. Дертар Русия ин санадро бо илова ва пешниҳодҳо ба коркарди такрорӣ ба ҷониби Тоҷикистон дод. Вазорати меҳнат, муҳоҷират ва шуғли аҳолӣ пештар хабар дода буд, ки коршиносони ду тараф иҷрои ин созишномаро ҳамоҳанг карда истодаанд. Тибқи маълумоти манобеи мухталиф дар Русия солона аз 1 то 2 миллион шаҳрванди қобили кори Тоҷикстон кору зиндагӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.