Форуми дипломатии Анталияи Туркия бо ҳузури вазири корҳои хориҷии Тоҷикистон ба кори худ оғоз кард.
Бино ба иттилои расмӣ, 29-уми феврали соли 2024, Сироҷиддин Муҳриддин, вазири корҳои хориҷии Тоҷикистон бо Ҳакан Фидан, вазири корҳои хориҷии Туркия дар Антилия дидор карданд.
Ба қалви манбаъ, ин дидор, ки дар макони баргузории Форуми дипломатии Анталия баргузор шуд, ҷонибҳо дар бораи “раванди густариши муносибатҳои дуҷониба, алалхусус дар самтҳои сиёсӣ, амниятӣ, маориф ва иқтисодӣ” бо ҳам гуфтугӯ карданд.
Инчунин ҷонибҳо дар рафти ин мулоқот дар бораи масъалаҳои мубрами минтақа ва ҷаҳон ва бахусус масоили кунунии Афғонистон ва таъсири он ба Тоҷикистон низ бо ҳам табодули афкор намуданд.
Гуфта мешавад, Форуми дипломатии Анталия бо ҳузури презеденти ин кишвар, намояндаҳои кишварҳо ва созмонҳои ҷаҳонӣ ва минтақаӣ аз имрӯз, 1-уми марти соли 2024 то поёни рӯзи якшанбеи 3-уми марти соли ҷорӣ дар вилояти Анталияи Туркия ба кори худ идома медиҳад.
Дар ин нишасти ҷаҳонӣ, қарор аст, масоили мубрами иқтисодӣ, фарҳангӣ, тағйироти иқлимӣ ва масъалаҳои марбут ба ҷанги Исроил дар Ғаззаи Фаластинро ҳам мавриди баҳсу баррасӣ қарор хоҳанд дод.
