22.9 C
Dushanbe

Баррасии барфу боронҳои Тоҷикистону Эрон дар Ҷиддаи Арабистон

Вазирони корҳои хориҷии Тоҷикистон ва Эрон вазъи боду ҳавои рӯзҳои ахир дар ду кишварро мавриди баррасӣ қарор доданд.

Бино ба иттилои расмӣ, 5-уми марти соли 2024 Сироҷиддин Муҳриддин, вазири корҳои хориҷии Тоҷикистон бо Амир Абдуллоҳиён, вазири корҳои хориҷии Эрон дар ҳошияи Нишасти изтирории вазирони корҳои хориҷии кишварҳои исломӣ дар Ҷиддаи Арабистони Саудӣ мулоқот карданд.

Ба қавли манбаъ, дар рафти ин мулоқот ҷонибҳо масъалаҳои муҳими дуҷониба ва бисёрҷонибаеро аз қабили баррассии масъалаи Фаластин ва иҷрои санадҳои имзошуда байни ду кишвар, ки заминаи ҳуқуқии густариши ҳамкориҳои Тоҷикистон ва Эронро тазмин мекунанд, низ мавриди баҳсу гуфтугӯи худ қарор доданд.

Ҳамзамон дар як навори видеоии кӯтоҳе, ки аз раванди ин мулоқот ба расонаҳо роҳ ёфтааст, дида мешавад, ки вазирони корҳои хориҷии Тоҷикистон ва Эрон вазъи боду ҳавои ахир дар ҳар ду кишварро ба ҳам гузориш дода, таъкид мекунанд, ки имсол нисбат ба солҳои гузашта барфу боронгариҳои зиёде сабт шудааст.

Ба гуфтаи вазири корҳои хориҷии Эрон, имсол дар ин кишвар барф хеле зиёд боридааст. Ҳатто дар минтақаҳое, ки солҳо барф наборида буд, имсол барф борид. Вазири корҳои хориҷии Тоҷикистон ҳам таъкид мекунад, ки бо боридани барфу боронгариҳои зиёд ҳар ду кишвар дар таъмини об ба мушкилӣ рӯбарӯ шудаанд.

Гуфта мешавад, баррасии вазъи боду ҳаво, барфу боронгариҳои ахир дар Тоҷикистон ва Эрон дар Арабистони Саудӣ мавриди гуфтугӯи вазирони корҳои хориҷии ҳар ду кишвар қарор гирифтааст.

Ёдовар мешавем, ки бар асари ин сардиҳои ахир ва қатъи нерӯи барқ дар Тоҷикистон танҳо дар як ҳафтаи ахир 16 нафар, аз ҷумла 10 кӯдак аз дуди ангишту оташ ҷони худро аз даст доданд ва дар Эрон ҳам бар асари боронҳои зиёд ва ҷорӣ шудани сел беш аз 150 русто зери об мондааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.