23.2 C
Dushanbe

Беш аз 100 зану кӯдаки тоҷик аз Сурия ба Ватан бозгардонида шуданд

21-уми майи соли ҷорӣ 104 нафар (29 оила) шаҳрвандони Тоҷикистон аз Сурия ба Ватан бозгардонида шуданд. Дар ин бора рӯзи якшанбе Вазорати корҳои хориҷии Тоҷикистон хабар дод.

Бино ба иттилои ВКХ, ин гурӯҳи дуюми ҳамватанони мо ҳастанд, ки тавассути ҳавопаймои махсус аз Ҷумҳурии Арабии Сурия ба кишвар оварда мешаванд. Гуфта мешавад, дар Фурӯдгоҳи байналмилалии Душанбе онҳоро бахше аз масъулони давлатӣ, аз ҷумла муовини Сарвазири кишвар Матлубхон Сатториён, Ваколатдори ҳуқуқи инсон Умед Бобозода ва дигарон пешвоз гирифтанд.

Мақомоти тоҷик бори аввал соли 2019 80 кӯдак ва моҳи июли соли гузашта 146 нафар (42 зан ва 104 кӯдак)-ро бо ҳавопаймои махсус аз уодугоҳҳои Сурия ва Ироқ ба кишвар оварда буд. Аммо то ҳол аз тақдири онҳо масъулони кишвар чизе намегӯяд, ки оё ба наздикони худ пайваста ва ба зиндагии маъмулӣ баргаштаанд ё хайр.

Гуфта мешавад, ин шаҳрвандони Тоҷикистон ҳамроҳи шавҳарони худ солҳои зуҳури ДИИШ ба Сурия рафта, бо он пайваста буданд ва пас аз шикасти ин гурӯҳ аксари мардони онҳо ё кушта шуданд ва ё дар Сурия ва Ироқ барои солҳои тӯлонӣ зиндонӣ шудаанд.

Қаблан нишасту гуфтугӯҳои сафири Тоҷикистон дар Кувейт Зубайдулло Зубайдзода бо мақомоти Сурия ва Ироқ расонаӣ шуда буд. Он замон гуфта мешуд, ки зиёда аз 400 зану кӯдаки тоҷик дар урдугоҳҳои Сурия ва Ироқ банд мондаанд ва мақомот талош дорад онҳоро ба Ватан баргардонад.

Дар аввали моҳи ҷорӣ як гурӯҳ занони тоҷик аз зиндони Ар-Расофаи шаҳри Бағдоди Ироқ бо нашри наворе дар шабакаҳои иҷтимоӣ ба хотири иттиҳомоти беасоси мақомоти он кишвар гуруснанишнӣ эълон карда, аз мақомоти тоҷик хостори ҳарчи зудтар баргардониданашон ва Ватан шуда буданд.

Аз ин пештар Созмони Миллаи Муттаҳид вазъи занону кӯдакон дар урдугоҳи “Ал‑Ҳавл”-и Сурия, ки занони тоҷик онҷо нигоҳдорӣ мешуданд, “ваҳшатнок” хонда, аз ҳукуматҳо хоста буд, ки шаҳрвандонашонро ба ватанашон баргардонанд. Тибқи бархе оморҳо, танҳо дар ин урдугоҳ аз давлатҳои гуногун беш аз даҳ ҳазор хориҷӣ нигаҳдорӣ мешавад. Тоҷикистон яке аз даҳ давлати дунёст, ки дар ин урдугоҳ шумори шаҳрвандонаш зиёд гуфта мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.