25.9 C
Dushanbe

Ихроҷи беш аз 130 муҳоҷири тоҷик аз Русия ба Тоҷикистон

Беш аз 130 шаҳрванди Тоҷикистон, ки дар боздоштгоҳи муваққатии шаҳрвандони хориҷӣ дар Маскав қарор доранд, ба ватан ихроҷ мешаванд.

Сафорати Ҷумҳурии Тоҷикистон дар Федератсияи Русия дар саҳифаи фейсбукии худ хабар додааст, ки консули Тоҷикистон дар Русия Искандар Шарофзода аз ин боздоштгоҳ, ки воқеъ дар Сахарово аст, дидан кардааст.

Гуфта мешавад, ки консул бо раҳбари ин марказ Алексей Лагода мулоқот намуда, дар ҷараёни он ҷонибҳо шароити нигоҳдории шаҳрвандони Тоҷикистон дар Сахароворо баррасӣ кардаанд.

Инчунин, масъалаи сабти асноди зарурӣ ва баргардонидани муҳоҷирон ба Тоҷикистон баррасӣ шудааст.

Дар хабари сафорат гуфта мешавад, ки кормандони сафорат бо шаҳрвандони Тоҷикистон суҳбат доир намуда, ба саволҳои онҳо посух ва маслиҳатҳои ҳуқуқӣ доданд. Ва ба шаҳрвандон меъёрҳои асосии қонунгузории Федератсияи Русия дар соҳаи муҳоҷирати меҳнатӣ фаҳмонда шуданд.

Гуфта мешавад, ки дар ин марказ 136 нафар шаҳрвандони Тоҷикистон қарор дошта, ба 133 нафари онҳо аз ҷониби Хадамоти консулӣ шаҳодатномаи бозгашт ба ватан “ройгон” дода шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.