14.9 C
Dushanbe

БОНКИ ҶАҲОНӢ: ВАЗЪИ КАМБИЗОАТӢ ҶАҲОНРО ТАҲДИД МЕКУНАД

Бонки ҷаҳонӣ вобаста ба вазъи камбизоатӣ дар ҷаҳон гузориши тозае нашр кардааст. Дар ин гузориш қайд мешавад, ки пандемияи коронавирус ихтилофҳо ва таъсири падидаҳои иқлим вазъи камбизоатиро дар сайёра тағйир медиҳанд.

Муаллифони гузориш навиштаанд, ки сатҳи қашшоқӣ (камбизоатии ҳадди пасттарин) муддати қариб 25 сол мунтазам коҳиш ёфта, имсол бори нахуст дар ин давра рӯ ба афзоиш ниҳод.

“Дар бисёр мавридҳо ин ба мушкилоти ҷиддӣ – COVID-19, низоу тағйирёбии иқлим вобаста аст, ки ҳамаи кишварҳо ба он дучор мешаванд, лекин пеш аз ҳама давлатҳое, ки шумори аҳолии камбизоаташон зиёд аст, онҳо бештар ба ин мушкилӣ рӯбарӯ мешаванд”, – омадааст дар гузориш.

Тибқи пешгӯии Бонки ҷаҳонӣ, нисбат ба соли 2019 соли 2020 афзоиши шумори аҳолии камбизоату қашшоқ дар ҷаҳон ба ҳадде назаррас хоҳад шуд, ки аз замони ба пайгирӣ оғоз намудани сатҳи камбизоатӣ дар миқёси ҷаҳон аз ҷониби Бонки ҷаҳонӣ чунин ҳолат мушоҳида нашудааст.

Гуфта мешавад, шумори аҳолии камбизоату қашшоқ дар давраи солҳои 1990 то 2017 аз 1,9 млрд нафар то ба 689 млн нафар коҳиш ёфт.

Дар давраи солҳои 1990 то 2015 сатҳи қашшоқӣ дар сайёра ҳар сол 1 банди фоизӣ кам мешуд, аммо солҳои 2015 то 2017 сатҳи коҳиш камтар аз ним банди фоизӣ дар як солро ташкил дод.

Зикр мегардад, ки дар шароити ҳозира камбизоатӣ натанҳо аҳолии деҳоту кишоварзонро таҳдид мекунад, балки аҳолии шаҳрҳоро, ки дар соҳаҳои гуногуни саноату хизматрасонӣ кор мекунанд, низ фаро мегирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.