32.9 C
Dushanbe

Борону сел чанд хонаро дар Хатлон вайрон кард

Рӯзи 9-уми ноябри соли ҷорӣ дар пайи боришоти борони зиёд дар ноҳияи Панҷи вилояти Хатлон сел ба вуҷуд омада, чандин хона зери об мондааст.

Гуфта мешавад, дар натиҷаи боронҳои шадиди рӯзи гузашта дар деҳаи 10-солагии Истиқлолияти давлатии ҷамоати деҳоти Намунаи ноҳияи Панҷ 4 хонаи истиқоматӣ ва 6 замини наздиҳавлигӣ зери об монда зарар дидаанд.

Ҳамчунин сел дар деҳаи Пахтакори ҷамоати деҳоти ба номи Кабут Сайфутдинов ба 21 қитъаи замини наздиҳавлигӣ ва се иншооти ёрирасони сокинони маҳаллӣ зарар расонидааст. Ҳамзамон дар ҷамоати деҳоти Озодагон “бар асари боло рафтани сатҳи оби канали деҳаи Отчапар таҳхонаҳои 12 бинои истиқоматии сокинони маҳаллӣ зери об мондааст.”

Бино ба иттилои Кумитаи ҳолатҳои фавқулодда ва мудофиаи граждании Ҷумҳурии Тоҷикистон, хушбахтона дар пайи ин борошоту омадани сел талафоти ҷонӣ ба қайд гирифта нашудааст. “Дар ҷойи ҳодиса гурӯҳи кории КҲФ ва Комиссияи изтирории ноҳиявӣ барои муайян кардани хисорот ва расонидани кӯмак кор мекунанд”, омадааст дар хабари КҲФ.

Як рӯз қабл аз ин ҳодиса КҲФ дар истинодан ба маълумоти Агентии ҳавошиносии кишвар ба сокинон ҳушдор дода буд, ки рӯзҳои 8-ум ва 9-уми моҳи ҷорӣ дар ҳудуди кишвар ҳавои номусоид пешбинӣ шуда, дар аксар ноҳияҳои ҷумҳурӣ борон меборад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.