32.9 C
Dushanbe

Боздошти боз як корманди Кумитаи замин бо иттиҳоми қаллобӣ

Раиси Кумитаи идораи замини ноҳияи Ҷайҳун Сафарализода Тоҷикиддин Сафаралӣ бо иттиҳоми “қаллобӣ” ва “сӯиистифода аз мансаб” аз ҷониби Агентии назорати давлатии молиявӣ ва мубориза бо коррупсияи Тоҷикистон боздошт гардид.

Акс аз Интернет

Дар хабари Агентӣ гуфта мешавад, ки номбурда ҳамчун раиси Кумитаи идораи замини ноҳияи Ҷайҳун аз мақоми давлатияш сӯиистифода намуда, даст ба ҷинояти қаллобӣ задааст.

Сафарализода “бо маслиҳати пешакӣ дар якҷоягӣ бо зертобеъаш Сафаров Ҷумахон Муродович шаҳрванд “А”- ро бо роҳи фиреб бовар кунонидаанд, ки бар ивази маблағи 6800 сомонӣ метавонанд 1,0 га қитъаи замини хоҷагии деҳқонии фермериро аз заминҳои ҳудуди деҳаи Махтумқулии Ҷамоати деҳоти Истиқлоли ноҳияи Ҷайҳун ба номи ӯ ҷудо ва ҳуҷҷатгузорӣ намоянд.”, омадааст дар хабар.

Ба иттилои Агентӣ номбурдагон аз шаҳрванд “А” маблағи 6100 сомониро гирифта, вале ба нафъи ӯ коре накардаанд ва он маблағро ба фоидаи шахсияшон масраф кардаанд.

Бо гумони ришва ва қаллобӣ нисбати Сафарализода Тоҷиддин Сафаралӣ ва Сафаров Ҷумахон Муродович бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, барои баррасӣ ба суд фиристода шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.