21.9 C
Dushanbe

Боздошти Абдуқодири Рустам

Мақомоти интизомии Тоҷикистон нависандаи номдори тоҷик Абдуқодири Рустамро шоми рӯзи 31-уми асгусти соли ҷорӣ дар манзили зисташ боздошт кардаанд. Дар ин бора Додоҷон Атовуллоев, раҳбари ҳаракати “Ватандор” дар саҳфаи фейбукиаш хабар дод.

Бино ба иттилои Атовуллоев, “Гуноҳи собиқ журналисти «Чароғи рӯз» ҳамкор ва дӯсти Абдухалил Холиқзод – молики шифохонаи ба номи Ибни Сино будан аст, ки чандест дар паси милаҳои зиндон аст!”.

Дар ҳамин ҳол як манбаъ аз Душанбе дар суҳбат ба Azda tv хабари боздошти Абдуқодири Рустамро таъйид кард, аммо аз додани ҷузъиёти он худдорӣ кард.

Абдуқодири Рустам дар ҳоле боздошт мешавад, ки мақомоти Тоҷикистон дар пайи боздошти Абдухалил Холиқзода, мудири бемористони “Ибни Сино” молики нашриёти “Эр-граф”-ро низ боздошт карда буданд.

Рӯзи 28-уми август як манбаъ аз Душанбе, ки нахост номаш зикр шавад, дар суҳбат ба Azda tv гуфт, мудири кулли нашриёти “Эр-граф” як рӯз пас аз боздошти Абдухалил Холиқзода, муаллифи китоби баҳсбарангези “Ҳаводиси рӯзгори ман” боздошт шудааст. Манбаъ гуфт, ки китоби мазкур дар ин чопхона ба табъ расида буд ва шояд боздошташ ба ҳамин масъала рабт дошта бошад.

Ба иттилои манбаъ, пайвандонаш дар бораи боздошти ӯ суҳбат намекунанд, вале ба гуфтаи ӯ, қаблан мақомот мудири кулли нашриётро ду маротиба барои бозпурсӣ даъват карда, ҷавоб доданд. “Аммо баъди як рӯзи боздошти Холикзода ӯро ба бозпурсӣ даъват кардаанду аз он замон то имрӯз касе ӯро дар ҷои кораш, яъне чопхона надидааст.“, мегӯяд манбаъ.

Тамосҳои Azda tv ба идораи чопхонаи мазкур бенатиҷа буд ва ҳамзамон шумораи телефони мудири ин чопхона низ “дастнорас” шудааст.

Бо пайдо шудани маълумоти бештар хабар такмил мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.