19.9 C
Dushanbe

Боздошти боз як тоҷик дар Русия

Дар шаҳри Твери Русия як гумонбари дигар дар робита ба ҳамлаи террористӣ дар “Крокус Сити Ҳолл”-и Красногорск боздошт шуд.

Расонаҳои русӣ аз ин нафар Ашӯров ном мебаранд ва гуфта мешавад, ӯ шаҳрвандии Русияву Тоҷикистонро дорад. Ба иддаои тафтишот, Ашӯров бародарон Диловар ва Аминҷон Исломовҳоро дар манзили худ ҷаълӣ сабти ном кардааст ва дар хабари додгоҳ низ гуфта мешавад, ки ӯ ба гуноҳи худ комилан иқрор шудааст.

Гуфта мешавад, пайвандони Ашӯров дар Тоҷикистон зиндагӣ мекардаанд ва ба ҳамин хотир тафтишот аз додгоҳ хостааст, ки ба далели фирор накардан нисбати ӯ чораи пешгирикунанда дар шакли ҳабс содир шавад ва додгоҳ ӯро барои ду моҳ ба ҳабси пешакӣ маҳкум кардааст.

Диловар ва Аминҷон Исломовҳоро ҳамроҳи падарашон Исроил Исломови 62-сола, Додгоҳи ноҳияи Басманнии шаҳри Маскав шоми 25-уми марти соли ҷорӣ бо иттиҳоми кумак ба терроризм то 22-уми майи соли ҷорӣ ба ҳабси пешакӣ маҳкум карда буд.

Бино ба иддаои мақомоти рус, бародаронро ба ин гурӯҳи ҷиноӣ ва гӯё Фаридуни Шамсидин ҷалб кардааст ва Диловар Исломов охирин соҳибмулки мошине будааст, ки дар ҳамла ба толори консертӣ истифода шудааст.

Аммо Диловар Исломов дар мусоҳиба бо нашрияи “Новая газета Аврупо” гуфтааст, як ҳафта пеш аз ҳодисаи хунин дар “Крокус Сити Ҳолл” мошинашро ба бародарзанаш фурӯхта будааст ва аз дидани мошин дар расонаҳо дар ҳайрат мондааст.

Пас аз ин ба гуфтаи наздиконаш, худи Диловар ҳамроҳи бародараш ба шуъбаи пулис рафта, баёнот дод, аммо баъдан боздошт шудаанд.

Исломовҳо гуфтаанд, гуноҳе надоранд ва айбномаи мақомоти рус, бахусус Кумитаи тафтишоти ин кишварро, ки ба боздошту зиндонӣ кардани онҳо пофишорӣ намуд, рад карда, аз болои ҳукми додгоҳ шикоят бурдаанд, аммо додгоҳ шикояти ин се нафарро рад кардааст.

Ёдовар мешавем, ки шоми ҷумъаи 22-уми марти соли ҷорӣ ба бинои “Крокус Сити Ҳолл”-и шаҳри Красногорски канори Маскав ҳамла сурат гирифта, муҳоҷимон сӯи мардум аз автоматҳо тир кушоданд. ва пас аз чанде толори консертӣ оташ гирифт. Бино ба иттилои расмӣ, дар натиҷаи тирпарронӣ ва сар задани оташ 143 нафар, аз ҷумла се кӯдак ба ҳалокат расида, 182 нафари дигар ҷароҳат бардоштаанд.

Мақомоти Русия дар пайи ин ҳодиса чандин нафарро боздошт кард, ки аксари онҳо зодагони Тоҷикистон мебошанд.

Дар ҳоли ҳозир вазъи муҳоҷирон дар Русия ва баъзе кишварҳое, ки шаҳрвандони Тоҷикистон дар он ҷойҳо кору зиндагӣ мекунанд, ногувор шуда, ҳатто бидуни далел ихроҷ шуда истодаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.