35.9 C
Dushanbe

Боздошти чанд тоҷик барои убури ғайриқонунии марз дар Литва

Аз аввали соли 2021 дар марзи кишвари Литва 387 нафар муҳоҷирони ғайриқонунӣ боздошт шудаанд, ки 6 тои онҳо шаҳрвандони Тоҷикистон будаанд. Ин муҳоҷирон  мехостанд аз Белорус ғайриқонунӣ дохили марзи Литва шаванд. Адади муҳоҷирони ғайриқонунӣ дар ин сол нисбат бо соли 2020 тақрибан панҷ маротиба бештар гуфта мешавад.

Хадамоти давлатии марзбонии Литва қайд карда, ки 104 хориҷӣ аз ҷониби марзбонон дар соли 2018, 46 нафар дар соли 2019 ва 81 нафар дар соли гузашта боздошт шудаанд. Аммо имсол танҳо дар камтар аз шаш моҳи аввали сол аллакай ин адад ба 387 нафар расид.

“Тибқи маълумоти пешакӣ, аксарияти онҳо ҳуҷҷат надоранд. Дастгиршудагон занон, мардон, ноболиғон ва калонсолони синну солҳои гуногун мебошанд. Хориҷиён аз Литва дархости паноҳандагӣ карданд”, – гуфтанд дар департамент.

Ҷониби Литва вазъ дар марзро мушкил арзёбӣ мекунад, зеро дар гуазргоҳҳо шумораи зиёди муҳоҷирон ҷамъ омадаанд. Бо сабаби он ки дар баъзе қитъаҳои сарҳад камераҳои назоратӣ насб карда нашудаанд, шумори кормандони амниятӣ дар марз чанд маротиба зиёд карда шудаанд.

“Вазъ бо ҳамкорони беларусии мо дар ҳоли ҳозир хеле душвор аст. Онҳо намехоҳанд дар бораи қочоқи ғайриқонунӣ ва муҳоҷират табодули иттилоот кунанд.”, – мегуяд Видас Мачайтис, муовини сардори Хадамоти давлатии марзбонии Литва.

Аммо расонаи русии “Лента. ру” аз қавли сардори шӯъбаи якуми Кумитаи давлатии марзбонии Белорус, Андрей Филатов навишта, ки ин кишвар тамоми созишномаҳоро бо идораҳои марзбонии кишвари ҳамсоя иҷро мекунад.

Дар аввали моҳи июн Хадамоти давлатии марзбонии Литва хабар дод, ки 72 муҳоҷири ғайриқонунӣ дар марз бо Белорус дастгир шудаанд. Тибқи маълумоти пешакӣ, инҳо шаҳрвандони Ироқ, Сурия, Беларус ва Русия мебошанд.

Ин ҳам дар ҳолест, ки охири моҳи май президенти Белорус, Александр Лукашенко таҳдид кард, ки назоратро бар болои қочоқ ва муҳоҷирати ғайриқонунӣ дар робита ба фишори Арвупо ба Минск пас аз ҳодисаи ҳавопаймои “Ryanair” суст мекунад. “Мо назоратро бар боли қочоқ ва муҳоҷирон қатъ кардем, акнун шумо худатон онҳоро боздоред”, гуфта буд Лукашенко

Хабрагузори литвонӣ “Delfi” хабар дода, ки аз 555 муҳоҷири ғайриқонунӣ, 328 нафарашон шаҳрвандони Ироқ будаанд. Инчунин 46 шаҳрванди Эрон, 42 – Сурия, 39 – Беларус, 17 – Русия, 11 – Туркия, 10 – Шри-Ланка, 6 – Тоҷикистон, 3 – Афғонистон ва 2 хориҷӣ аз Яман ва Миср ва як шаҳрванди Сомалӣ боздошт шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.