Бо гумони таҷовуз ва қатли як кӯдаки нобилиғ дар ноҳияи Восеъи вилояти Хатлон марди 35-солае зодаи ҳамин ноҳия боздошт шудааст.
Тавре Вазорати корҳои дохилии Тоҷикистон хабар медиҳад, дар торихи 29-уми апрели соли 2026 дар ҳудуди ноҳияи Восеъ ҷасади ноболиғ А. З., соли таваллудаш 2016, аз заминҳои деҳқонӣ бо аломатҳои марги маҷбурӣ дарёфт гардид.
Гуфта мешавад, кормандони мақомоти ҳифзи ҳуқуқ дар натиҷаи гузаронидани чорабиниҳои оперативӣ-ҷустуҷӯӣ як сокини ноҳияи Восеъ ҷамоати деҳоти Бобошоҳиён, Хайриддини Қурбонали Қодирзоди 35-соларо бо иттиҳоми даст доштан дар ин ҷиноят боздошт карданд.
Ба иттилои манбаъ, гумонбар аз ҳолати нотавонии ноболиғ истифода бурда, ҳангоми аз мактаб баргаштани ӯ дар ҷойи беодам даст ба ҷинояти мудҳиш задааст. Ҳамчунин, тибқи хулосаи пешакии экспертизаи судӣ-тиббӣ, сабаби марги ноболиғ “буғикунии механикӣ” арзёбӣ мегардад.
Дар хабари Вазорати корҳои дохилӣ зикр мешавад, ки нисбати гумонбар парвандаи ҷиноятӣ оғоз гардида, ӯ дар ҳабси пешакӣ қарор дорад.
Дар ҳоли ҳозир ҷузъиёти пурраи ин ҳодиса аз ҷониби мақомоти марбута ошкор нашудааст ва тафтишот идома дорад. Ҳамчунин назари боздоштшуда ва наздикони ӯ низ дастрас нест.
