35.9 C
Dushanbe

Боздошти як имом-хатиб дар шаҳри Кулоб

Имомхатиби яке аз масҷидҳои шаҳри Кӯлоб бо иттиҳоми ҳамкорӣ бо созмонҳои террористӣ боздошт шуд. Дар ин бора Sputnik хабар дод.

Бино ба иттилои ин сомона боздоштшуда Маҳмадсодиқ Саидов буда, 29 сол дорад ва аз соли 2016 инҷониб ҳамчун имомхатиб фаъолият менамуд.

Маркази матбуоти Кумитаи дин, танзими анъана ва ҷашну маросими назди ҳукумати Тоҷикистон гуфтааст, 5-уми марти соли равон имомхатиби масҷиди ҷомеи ба номи Ҳоҷӣ Абдулғаффори маҳаллаи “Нонбои Поён” – и шаҳри Кӯлобро кормандони мақомоти амниятии кишвар бо иттиҳоми ҳамкорӣ бо ҲНИТ боздошт кардаанд. Мақомоти амниятии Тоҷикистон то ба ҳол аз ҷузъиёти ин боздошт хабар надодааст.

Ёдовар мешавем, ки Ҳизби наҳзати исломии Тоҷикистон соли 2015 аз сӯи Суди олии Тоҷикистон ба феҳристи созмонҳои террористию экстремистӣ ворид  карда шуда ва то ин замон раҳбарони ҳизб ва садҳо нафар ба иттиҳоми узвият дар ин ҳизб боздошт ва зиндонӣ шудаанд. Раҳбарияти ҲНИТ иттиҳомоти ироа намудаи мақомотро нисбати ҳизб рад намуда, зиндонӣ намудани аъзоён ва терористӣ хондани ҲНИТ-ро сирф сиёсӣ медонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.