36.9 C
Dushanbe

Манъи фурӯши лампаҳои каммасраф дар Тоҷикитсон

Ҳукумати Тоҷикистон бо судури қароре аз 1-уми июни соли ҷорӣ ворид, истеҳсол  ва фурӯши лампаҳои каммасрафи симобдорро мамнуъ эълон кард.

Тавре расонаҳои ҳукуматӣ хабар медиҳанд, ҳадаф аз қабули ин қарори Ҳукумати кишвар пешгирӣ аз зарари симоб ба муҳити атроф, хусусан аҳолии кишвар гуфта мешавад.

“Ҳангоми истифодабарии фурӯзонакҳои люминасентӣ — симобдори сифаташон ё баъди корношоям гардиданашон, ки онҳоро ба партовгоҳҳо мебаранд, симоб ба муҳити зист паҳн гардида, ба саломатии инсонҳо ва табиат зарар мерасонад. Баъди корношоям шудан чунин фурӯзонакҳо бояд дар ҷойҳои махсус безарар гардонида мешуданд.”, — гуфтааст Файзалӣ Шодмонзода, муовини сардори Раёсати таъминоти метрологии Агентии “Тоҷикстандарт” ба АМИТ “Ховар”.

Мутахассисони “Тоҷикстандарт” ба ин хулоса расидаанд, ки лампаҳои оддӣ дар қиёс ба лампаҳои каммасрафи симобдор рӯшноии бештар дошта ва барқро камтар мегиранд.

Манъи фурӯши ин лампаҳои каммасраф дар ҳолест, ки соли 2009 мақомоти кишвар мардумро маҷбур барои иваз кардани лампаҳои маъмулӣ ба ин лампаҳои каммасраф карда буданд ва дар чандин ҳолат сокинон барои насб накардани ин лампаҳо аз ҷониби мақомоти дахлдор ҷарима ҳам шуда буданд.

Он замон гуфта мешуд, ин тиҷорати яке аз афроди хонаводаи Раисҷумҳури кишвар ва ё нафаре наздик ба ин хонавода аст, аз ин рӯ мақомот мардумро барои насби он маҷбур доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд. 

Сафари Додситони кулли Эрон ба Тоҷикистон

Додситони кулли Ҷумҳурии Исломии Эрон дар раъси як ҳайати боломақоми кишвар вориди Тоҷикистон шудааст.