Дар чанде аз шаҳрҳои Федератсияи Русия намояндагони идораҳои динии мусулмонон аз ҷониби мақомот боздошт шуданд.
Бино ба иттилои сомонаи “Царьград”, ки аксар расонаҳои русӣ дар такя ба ин сомона хабар навиштаанд, дар шаҳрҳои Маскав, Саранск, Санкт-Петербург, Саратов ва дигар шаҳрҳо чанде аз рӯҳониён боздошт гардидаанд.
Аз ҷумла, гуфта мешавад, ки муфтии Мордовия Абдулмалик (Раил) Асаинов ва муфтии собиқи Карелия Висам Алӣ Бардвил низ низ боздошт шудаанд.
Тибқи иттилои нашршуда, ҳамаи боздоштшудагон узви Идораи динии мусулмонони Федератсияи Русия мебошанд.
То ҳол мақомоти расмии Русия ва роҳбарияти ин идора дар бораи боздошти рӯҳониён ва сабаби он чизе нагуфтаанд.
