Як шаҳрванди Тоҷикистони муқими Абхозистон бо иттиҳоми нашри муҳтавои ифротгароӣ дар фазои маҷозӣ боздошт ва ба Русия бозгардонида шудааст.
Расонаи “kavkaz-uzel” гузориш медиҳад, ки ҳафтаи гузашта пулиси амнияти давлатии Абхозистон нафареро бо номи Каримхон Саидов, ки шаҳрванди Тоҷикистон гуфта мешавад, барои гумонбар будан ба анҷоми амали ифротгароӣ боздошт кард.
Ба гуфтаи мақомоти Абхазистон, Саидов дар шабакаҳои иҷтимоӣ назарҳои гуногун дар ҳимоят аз гурӯҳҳои радикалӣ ва тавҷеҳи амалҳояшон гузрштааст ва ӯ бо ин амалаш даст ба нафратпарокании мазҳабӣ задааст.
Ҳамчунин пулис мегӯяд, тафтишот мушаххас намуда, ки истиқомати Каримхон дар Абхозистон хилофи муқаррарот буда, асноди будубошаш мушкил доштааст ва бинобар ин, ӯ ба Русия ихроҷ шудааст.
То ҳанӯз назари гумонбар дар робита ба иттиҳоме, ки нисбаташ эълон шудааст, дастрас нест. Ва ҳамчунин маълум нест, ки нисбати ӯ дар Абхазистон ва ё Русия нисбати ӯ парвандаи ҷиноӣ боз шудааст ё на.
Мақомоти Русия пас аз ҳодисаи ҳамла ба “Крокус Сити Ҳол” ҳазорҳо шаҳрвнади Тоҷикистонро бо иттиҳомоти гуногун, аз ҷумла ифротгароӣ ё будубоши ғайриқонунӣ аз ин кишвар ихроҷ кардаанд. Ҳатто баъзе муҳоҷиронро бо ваъдаи додани шаҳрнвадӣ ба ҷанги Украина эъзом карда, ки хеле аз ҷавонон ҷони худро аз дастдоданд.
