14.9 C
Dushanbe

Бознашри номи 18 созмони мамнӯъ дар Тоҷикистон

Агнетии миллии иттиллотии Тоҷикистон (АМИТ) “Ховар” номи 18 созмон ва ҷамъиятҳои мамнуъ дар кишварро нашр кардааст, ки дар ҷамъи онҳо исми Паймони Миллии Тоҷикистон вуҷуд надорад.

Имрӯз, 18-уми октябри соли 2022, АМИТ “Ховар” номи 18 созмон ва ҷамъиятҳои мамнуъ дар Тоҷикистонро нашр кард, вале тавре қаблан иддао мешуд, исми Паймони Миллии Тоҷикистон дар ин феҳрист вуҷуд надорад.

Бино ба иттилои Спутник-Тоҷикистон ҳанӯз 14-уми октябри соли 2019 Додгоҳи олии Тоҷикистон бо нашри як иттилоия эълон карда буд, ки ташкилоти “Паймони Миллии Тоҷикистон” иттиҳоди террористӣ-экстримистӣ эътироф карда шуда, фаъолияти он дар ҷумҳурӣ мамнуъ гардид”-ааст.

Дар ин феҳристе, ки АМИТ “Ховар” нашр кардааст, созмонҳо ва ташкилотҳое, ки “аз ҷониби Суди Олии Тоҷикистон террористӣ ё экстремистӣ эълон карда шудаанд (бо зикри санаи судури қарори суд)” исми онҳо ба сурати зайл дарҷ гардидаанд:

1. «Ал-Қоида» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

2. «Ҳаракати исломии Туркистони Шарқӣ» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

3. «Ҳизби исломии Туркистон» (собиқ «Ҳаракати исломии Ӯзбекистон») — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

4. «Ҳаракати «Талибон» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

5. «Бародарони мусалмон» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

6. «Лашкари Тайба» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

7. «Гурӯҳи исломӣ» («Ҷамъияти Исломии Покистон») — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

8. «Ҷамъияти Таблиғ» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

9. «Созмони таблиғот» («Даъват ба ислом») — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

10. «Тоҷикистони озод» – ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 30 марти соли 2006).

11. «Ҳизб-ут-Таҳрир» — ташкилоте, ки экстремистӣ эълон карда шудааст (қарори Суди Олии Ҷумҳурии Тоҷикистон аз 11 марти соли 2008).

12. «Ҷамоат (Ҷамъият)» (Ансоруллоҳ) – ташкилоте, ки экстремистию террористӣ эълон карда шудааст (қарори Суди Олии Ҷумҳурии Тоҷикистон аз 3 майи соли 2012.

13. «Салафия» – ҷараёни диние, ки фаъолияташ дар қаламрави Ҷумҳурии Тоҷикистон манъ карда шудааст (қарори Суди Олии Ҷумҳурии Тоҷикистон аз 9 январи соли 2009), созмони экстремистӣ эълон карда шудааст (қарори Суди Олии Ҷумҳурии Тоҷикистон аз 8 декабри соли 2014).

14. «Гуруҳи 24» — ҳаракати ҷамъиятие, ки экстремистӣ ва фаъолияташ ғайриқонунӣ эълон карда шудааст (қарори Суди Олдии Ҷумҳурии Тоҷикистон аз 9 октябри соли 2014).

15. «Давлати Исломии Ироқу Шом» (ДИИШ, ДОИШ) – ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 14 апрели соли 2015).

16. «Ҷабхат -ан -Нусра» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 14 апрели соли 2015).

17. «Ҳизби наҳзати исломии Тоҷикистон» — ташкилоте, ки экстремистию террористӣ эълон карда шудааст — ТЭО ПИВ (қарори Суди Олии Ҷумҳурии Тоҷикистон аз 29 сентябри соли 2015).

18. «Иттиҳоди миллии Тоҷикистон» — ташкилоте, ки террористию экстремистӣ эълон карда шудааст (қарори Суди Олии Ҷумҳурии Тоҷикистон аз 15 августи соли 2019).

Ҷолиб он, ки мо дар ҷамъи  ташкилоту созмонҳое, ки қаблан Суди олии Тоҷикистон фаъолияти онҳоро дар дихили кишвар мамнуъ эълон карда буд, исме ҳеч ташкилотеро бо номи “Иттиҳоди миллии Тоҷикистон” надоштем.

Аммо акнун суол ин ҷост, ки оё АМИТ “Ховар” дар ҳамин шабу рӯз қасдан ба ҷои “Паймони миллии Тоҷикистон” номи онро ғалат зикр карда ва “Иттиҳоди миллии Тоҷикистон” навиштааст ва ё созмони дигареро назар дорад, ки мо тоҷикистониҳо аз вуҷуди он нав хабардор мешавем, нофаҳмост ва баҳсу ковишҳои мо низ дар ин хусус то ҳол натиҷа надодаанд.

Гуфта мешавад, ин хабаргузории давлатии Тоҷикистон, ки бевосита ба Президенти кишвар итоат мекунад, дар ҳоле исми созмонҳо ва ташкилотҳои мамнуъ дар Тоҷикистонро нашр кардааст, ки айни замон дар шаҳри Душанбе конфаронси байнимилалие зери унвони “Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо” бо ҳузур беш аз 500 ҳайат аз 52 кишвар дунё ва созмонҳои ҷаҳонӣ баргузор мешавад.

Инчунин намояндаҳои Паймони Миллии Тоҷикистон ҳам дар ин бора то ҳол вокунише накардаанд. Дар сурати пайдо шудани ҳар гуна вокунише дар ин бора дубора ба ин мавзуъ бар мегардем.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.