16.9 C
Dushanbe

Бозпурсии қариб сесоатаи Идимоҳ Маҳмадҷонова дар Душанбе

Мақомоти корҳои дохилӣ дар шаҳри Душанбе Идимоҳ Маҳмадҷонова, модари Шоҳида Маҳмадҷоноваро фиреб дода, аз шаҳри Ваҳдат ба бинои марказии Вазорати корҳои дохилӣ барои бозпурсӣ бурданд.

Акс аз навори Раидиои ОЗОДӢ

Шерзод Маҳмадҷонов, блогери тоҷики муқими Олмон дар суҳбат ба АЗДО ТВ гуфт, ки субҳи 9-уми феврали соли 2022 кормандони мақомоти корҳои дохилӣ ба хонаи бибиаш Идимоҳ Маҳмадҷонова рафта, фиреб дода, гуфтанд, ки ба назди духтараш Шоҳида Маҳмадҷонова мебаранд, аммо дар роҳ ӯро мустақим ба бинои марказии Вазорати корҳои дохилӣ дар шаҳри Душанбе бурданд.

Ба гуфтаи ӯ, мақомот Идимоҳ Маҳмадҷоноваро дар бинои марказии Вазорати корҳои дохилӣ зиёда аз дуюним соат мавриди бозпурсӣ қарор дода, дар ниҳоят вақте мебинанд, ки фишори ӯ баланд, асабҳояш хаста ва мадори гапзаниаш тағйир кардааст, бозпурсиашонро қатъ мекунанд.

Пеш аз оғози бозпурсӣ вақте хонум Идимоҳ Маҳмадҷонова мебинад, ки ӯро на ба назди духтараш, балки ба бинои асосии Вазорати корҳои дохилӣ бурдаанд, аз мақомот пурсидааст, ки “шумо чаро дурӯғ гуфтед, ки маро ба назди духтарам мебаред? Шоҳида дар куҷост?”

Наздикони Идимоҳ Маҳмадҷонова мегӯянд, ки мақомот то ҳол дар бораи дар куҷо будани Шоҳида Маҳмадҷонова иттилои дақиқе ироа накарданд, танҳо ҳаминро гуфтаанд, ки бону Шоҳида Маҳмадҷонова дар боздоштгоҳи муваққатии шуъбаи Вазорати корҳои дохилӣ дар ноҳияи Фирдавсӣ нигаҳдорӣ мешавад.

Номи хонум Идимоҳ Маҳмадҷонова замоне расонаӣ шуд, ки 3-юми феврали соли ҷорӣ духтараш Шоҳида Маҳмадҷоноваи 43-сола, ки бо даъвати кормандони Шуъбаи Вазорати корҳои дохилӣ дар шаҳри Ваҳдат барои бозпас гирифтани телефони ҳамроҳаш даъват шуда, аз ҳамон ҷо бедарак гардида буд.

Гуфта мешавад, шоми 8-уми феврали 2022 Вазорати корҳои дохилии Тоҷикистон бо нашри як изҳорот боздошти Шоҳида Маҳмадҷоноваро тасдиқ карда, хабар дода буд, ки нисбати ӯ “тибқи талаботи моддаи 307 иловаи 3 қисми 2 (ташкили фаъолияти ташкилоти экстремистӣ (ифротгароӣ) Кодекси Ҷиноятии Ҷумҳурии Тоҷикистон пешбинигардида, парвандаи ҷиноятӣ оғоз карда шуда, номбурда ба ҳабси пешакӣ гирифта шудааст.”

Шоҳида Маҳмадҷоноваи 43-сола пас аз 18 соли фаъолият ҳамчун табиб дар шаҳри Ваҳдат 3-юми январи соли 2020 зери фишори мақомот аризаи “бо хоҳиши худ” аз кор рафтанашро имзо карда буд. Вай модари блогери тоҷики муқими Олмон Шерзод Маҳмадҷонов, маъруф ба Абдурраҳмон-09 аст, ки бо даъвати мақомоти корҳои дохилӣ дар шаҳри Ваҳадат рӯзи 3-юми феврали соли ҷорӣ ба шӯъбаи ВКД дар ин шаҳр ҳозир шуд ва аз ҳамон ҷо бедарак гардид ва пас аз гузашти 6 рӯз замоне Ҳукумати Тоҷикистон зери фишори ҷомеаи шаҳрвандӣ ва расонаҳо қарор гирифт, Вазорати корҳои дохилӣ маҷбур шуд, ки боздошти ӯро эътироф кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.